کراچی: پاکستان کرکٹ ٹیم کے سابق کپتان یونس خان کا کہنا ہے کہ پاک بھارت کرکٹ دونوں ممالک کے عوام کو قریب لاتی ہیں، سیریز کا انعقاد مستقبل بنیادوں پر ہونا چاہیے۔

کراچی میں میڈیا سے گفتگو کرتے ہوئے یونس خان نے کہا کہ ہم سب پاک بھارت سیریز کا انعقاد چاہتے ہیں، سیریز ہوگی تو دونوں ممالک کی عوام قریب آئیں گی، اس لئے پاک بھارت سیریز کا انعقاد ضروری ہے۔

ایک سوال پر یونس خان نے کہا کہ پی ایس ایل میں بطور کھلاڑی شرکت کرنا ممکن نہیں، انہیں کسی اور رول کی پیشکش ہوئی تو غور کریں گے، سابق کپتان نے کہا کہ ٹیم کا کوچ ایسا ہونا چاہیے جو کھلاڑیوں کو متحد کرسکے۔

عامر کے بارے میں یونس نے کہا کہ ٹیم میں فاسٹ بولر کی واپسی کا فیصلہ بورڈ کو کرنا ہے، ان کا اس معاملے سے کوئی تعلق نہیں ہے۔

کراچی: ون ڈے کرکٹ سے ریٹائرمنٹ کےبعد یونس خان نے سماجی خدمات میں خود کو مصروف کرلیا ہے، ہیڈکوچ اور پاک بھارت سیریز سے متعلق سوالات کے جواب بھی انھوں نے مسکراتے ہوئے دیئے۔

کرکٹر یونس خان مسکراتے چہرے کیساتھ میڈیا کا بھرپور انداز سے سامنا کررہے ہیں، ہیڈ کوچ وقار یونس کے بارے میں پوچھا گیا سوال انھوں نے بڑے سلیقے سے گھما دیا۔

پاک بھارت سیریز پر انکا کہنا تھا کہ مزید دس سال انتظار کریں شاید چیئرمین پی سی بی بن جائیں پھر دیکھیں گے، کرکٹ سے ریٹائرمنٹ کے بعد یونس خان سماجی خدمات میں مصروف ہیں، انکا کہنا ہے کہ لوگوں کی خدمت کرکے روح کو سکون ملتا ہے، آخر بابائے قوم کا خواب بھی پورا کرنا ہے۔