ARYNews.tv | Urdu – Har Lamha Bakhabar

Tag: youtube

  • لاک ڈاؤن کے دوران سعودی شہریوں نے یوٹیوب پر سب سے زیادہ کیا دیکھا؟

    لاک ڈاؤن کے دوران سعودی شہریوں نے یوٹیوب پر سب سے زیادہ کیا دیکھا؟

    سال 2020 کرونا وائرس، لاک ڈاؤن اور کرفیو کی نذر ہوگیا، لوگوں کے گھروں میں رہنے کے دوران دنیا بھر میں آن لائن ویڈیو سروسز اور پلیٹ فارمز کی مقبولیت، استعمال اور بزنس میں بے تحاشہ اضافہ ہوا۔

    سعودی ویب سائٹ کے مطابق پچھلے سال سعودی عرب میں یوٹیوب پر ویڈیوز دیکھنے والے صارفین میں غیر معمولی اضافہ دیکھا گیا، کرونا وائرس کی وبا اور کرفیو کے باعث آن لائن سروسز فراہم کرنے والی کمپنیوں کے لیے سعودی عرب ایک بڑی مارکیٹ کے طور پر بھی سامنے آیا۔

    ایک رپورٹ میں کہا گیا کہ تازہ ترین اعداد و شمار کے مطابق سنہ 2020 کے دوران سعودی عرب کے اندر یوٹیوب کے صارفین کی تعداد 20 ملین تک پہنچ گئی، جبکہ ویڈیوز دیکھنے کا اوسط دورانیہ 55 منٹ تک ہوگیا۔

    یوٹیوب نے سعودی عرب میں سب سے زیادہ دیکھے جانے والی ویڈیوز کے بارے میں بتاتے ہوئے کہا ہے کہ پہیلیوں اور ایڈونچر ویڈیوز کی فہرست پہلے نمبر پر ہے جبکہ مارشل آرٹس کی ویڈیوز خصوصاً فری اسٹائل ریسلنگ اس فہرست میں دوسرے نمبر پر رہیں۔

    اسی طرح پچھلے سال سائنس اور کھیل سے متعلق مواد دیکھنے میں 200 فیصد تک اضافہ ہوا، خاص طور پر عملی مہارتیں سیکھنے کی مختلف شکلوں میں، اسی طرح ویڈیو گیمز اور فلمیں دیکھنے کا شوق بھی دوگنا ہوگیا۔

    یہ ایک ایسے وقت میں ہوا جب بہت ساری بین الاقوامی کمپنیوں جیسے ایمیزون پرائم نے یوٹیوب پر اپنی فلمیں نشر کرنا شروع کیں۔

    سنہ 2020 کے دوران یوٹیوب کے لیے نئی ویڈیوز بنانے میں سعودی باشندوں کی خاص رغبت دیکھی گئی، میشابل کے مطابق سعودی عرب میں دیکھی گئی ہر 10 ویڈیوز میں سے 7 ان کی اپنی پروڈکشن تھیں۔

  • یوٹیوب کا دلچسپ فیچر دنیا بھر کے صارفین کے لیے متعارف

    یوٹیوب کا دلچسپ فیچر دنیا بھر کے صارفین کے لیے متعارف

    امریکی ویڈیو شیئرنگ پلیٹ فارم یوٹیوب نے یوٹیوب شارٹس نامی فیچر دنیا بھر میں متعارف کروا دیا ہے، یہ فیچر گزشتہ برس سب سے پہلے بھارت میں متعارف کروایا گیا تھا۔

    یوٹیوب نے گزشتہ سال ستمبر میں ٹک ٹاک سے مماثلت رکھنے والی شارٹ ویڈیوز کو اپنی ایپ کا حصہ بنایا تھا، جس کو سب سے پہلے بھارت میں متعارف کروایا گیا تھا۔

    ٹک ٹاک کی نقل پر مبنی اس فیچر کو یوٹیوب شارٹس کا نام دیا گیا تھا اور اب اس فیچر کو دنیا بھر میں متعارف کروانے کا سلسلہ شروع ہوگیا ہے۔

    یوٹیوب شارٹس میں 15 سیکنڈ یا اس سے کم دورانیے کی ویڈیوز نئے کریٹیر ٹولز سے تیار کر کے اپ لوڈ کی جاسکتی ہیں۔ یہ ٹک ٹاک سے بہت زیادہ ملتا جلتا فیچر ہے جس میں اسپیڈ کنٹرولز، ٹائمر اور کاؤنٹ ڈاؤن فیچر بھی شامل ہے۔

    ان مختصر ویڈیوز میں موسیقی کا اضافہ بھی کردیا جائے گا اور اس کے لیے یوٹیوب میں گانوں کی بہت بڑی لائبریری موجود ہے جو کمپنی کے مطابق وقت کے ساتھ مزید بڑی ہوتی جائے گی۔

    اس کے علااوہ ملٹی سیگمنٹ کیمرا بھی صارفین کو متعدد ویڈیو کلپس ایک مختصر ویڈیو میں اکٹھا کرنے میں مدد فراہم کرے گا۔ یوٹیوب شارٹس کا مقصد ٹک ٹاک کی مقبولیت کو کم کرکے گوگل کی ویڈیو شیئرنگ سائٹ کی بالا دستی کو برقرار رکھنا ہے۔

  • عاصم اظہر کو یوٹیوب کی جانب سے تحفہ

    عاصم اظہر کو یوٹیوب کی جانب سے تحفہ

    معروف پاکستانی گلوکار عاصم اظہر کو ویڈیو شیئرنگ سائٹ یوٹیوب کی جانب سے سلور بٹن مل گیا، عاصم کو یہ بٹن ان کے یوٹیوب چینل پر 1 لاکھ سبسکرائبرز ہونے پر ملا ہے۔

    عاصم نے سماجی رابطے کی ویب سائٹ انسٹا گرام کی اسٹوری پر اس بٹن کے بارے میں بتایا، انہوں نے کہا کہ اس بٹن کو آئے ہوئے کافی دن ہوگئے تھے لیکن اسے شیئر نہیں کیا۔

    انہوں نے اپنے یوٹیوب چینل پر جلد ہی 10 لاکھ سبسکرائبرز ہونے کی خواہش کا بھی اظہار کیا۔

    اس سے قبل انسٹا گرام پر اپنی ایک پوسٹ میں عاصم نے لکھا کہ سال 202 اتنا بھی برا نہیں رہا، اس سال میں نے اپنے 5 گانے بھی ریلیز کیے جن میں ہمراہ، تم تم، سوہنیا، عشقیہ اور سسی شامل ہیں۔

    انہوں نے اپنے مداحوں سے یہ بھی پوچھا کہ انہیں کون سا گانا سب سے زیادہ پسند آیا جس پر مداحوں نے مختلف جوابات دیے۔

  • وزیر اعظم عمران خان سے یوٹیوب کی سی ای او کی ملاقات

    وزیر اعظم عمران خان سے یوٹیوب کی سی ای او کی ملاقات

    ڈیوس: وزیر اعظم عمران خان سے یوٹیوب کی چیف ایگزیکٹو آفیسر سوزن ووجکیکی اور سیمنز کے سی ای او جوئی کائیسر کی ملاقاتیں ہوئیں۔

    تفصیلات کے مطابق وزیر اعظم عمران خان سے ڈیوس میں آٹو میشن کمپنی سیمنز کے چیف ایگزیکٹو آفیسر (سی ای او) جوئی کائیسر کی ملاقات ہوئی، ملاقات میں مشیر تجارت عبد الرزاق داؤد، معاون خصوصی زلفی بخاری اور معاون برائے اور سیز سرمایہ کاری علی جہانگیر صدیقی موجود تھے۔

    ملاقات میں ٹیکنالوجی کے فروغ اور سرمایہ کاری پر مبنی مہارت کی منتقلی پر تبادلہ خیال ہوا۔

    بعد ازاں وزیر اعظم عمران خان سے یوٹیوب کی چیف ایگزیکٹو آفیسر سوزن ووجکیکی کی بھی ملاقات ہوئی۔ ملاقات میں ڈیجیٹل پلیٹ فارم سے پاکستان میں سیاحت و سرمایہ کاری کے فروغ پر بات چیت کی گئی۔

    اس سے قبل ڈیوس میں پاکستان اسٹریٹجی ڈائیلاگ سے خطاب کرتے ہوئے وزیر اعظم کا کہنا تھا کہ پاکستان سیاحوں کی جنت ہے جہاں مذہبی سیاحت کے مقامات کو کبھی فروغ نہیں ملا۔

    انہوں نے کہا تھا کہ پاکستان کی سرزمین کئی قدیم تہذیبوں کا مسکن ہے، سیاحت کو فروغ دے کر ملکی معیشت کو ترقی دی جا سکتی ہے۔ پاکستان زراعت اور قدرتی وسائل سے بھی مالا مال ہے۔

    وزیر اعظم نے کہا تھا کہ ملکی صنعتی ترقی کے لیے منصوبہ بندی کر رہے ہیں۔ 70 کی دہائی میں قومیائی گئی صنعتوں کے باعث ترقی کو نقصان پہنچا۔

  • امریکی پابندیوں سے پریشان ایرانی چینلز نے یوٹیوب کا سہارا لےلیا

    امریکی پابندیوں سے پریشان ایرانی چینلز نے یوٹیوب کا سہارا لےلیا

    تہران : رپورٹ میں انکشاف کیا گیا ہے کہ ا مریکی پابندیوں کے باعث ایرانی چینلز پیسے کمانے کے لیے پروڈیوسروں کی شناخت مخفی رکھ کران کاتیار کردہ فلمی مواد یوٹیوب پرچلارہی ہیں۔

    تفصیلات کے مطابق امریکا کی جانب سے ایران پرعایدکردہ اقتصادی پابندیوں نے تمام سرکاری شعبوں کو بری طرح متاثر کرنا شروع کیا ہے، پابندیوں کے باعث سپریم لیڈر کے ماتحت ایرانی ٹیلی ویڑن کارپوریشن بھی زبوں حالی کا شکار ہے اور کارپویشن نے مالی کمی پوری کرنے کے لیے بین الاقوامی شہرت یافتہ ویڈیو شیئرنگ ویب سائیٹ یوٹیوب کا سہارا لینا شروع کیا ہے۔

    خبر رساں ادارے کا کہنا تھا کہ ایرانی ٹی وی چینل پر نشرہونے والا مواد یوٹیوب پرپوسٹ کرکے اس پر اشتہارات حاصل کیے جاتے ہیں اوران اشتہارات کی مد میں حاصل ہونے والی آمدنی کوا خراجات پورے کرنے کے لیے استعمال کیا جاتا ہے۔

    غیر ملکی خبر رساں ادارے کا کہنا تھا کہ یوٹیوب پرموجود ایک دوسرے چینل کو’عصرجدید’ کا نام دیا گیا ہے، اس یوٹیوب چینل کے 10 ہزار فالورز ہیں اور اس کی ویڈیوز اب تک 30 لاکھ ناظرین دیکھ چکے ہیں۔ایران کی مشہورایچ ڈی فلمیں بھی اشتہارات کے ذریعے پیسے کے حصول کے لیے یوٹیوب پر پوسٹ کی جاتی ہیں۔

    اگرچہ یہاں پر عام صارفین کو مفت میں یہ مواد دکھایا جاتا ہے مگر اس پرچلنے والے اشتہارات ایران کے سرکاری ٹی وی چینل کی آمدن کاذریعہ ہیں۔

    غیر ملکی خبر رساں ادارے کا کہنا تھا کہ ایران بین الاقوامی کاپی رائیٹ معاہدے میں شامل نہیں مگر اس کے باوجود ایران میں فلم پروڈیوسروں کے حقوق کا تحفظ کرنے کی کوشش کی جاتی ہے۔

    اخبارکے مطابق ایرانی میڈیا کمپنیاں اصل پروڈیوسروں کی شناخت مخفی رکھ کران کا تیار کردہ فلمی مواد یوٹیوب پرچلاتی ہیں۔

  • کرائسٹ چرچ : دہشت گردی کی وڈیو دکھانے پر فیس بک اور یوٹیوب کیخلاف مقدمہ

    کرائسٹ چرچ : دہشت گردی کی وڈیو دکھانے پر فیس بک اور یوٹیوب کیخلاف مقدمہ

    کرائئسٹ چرچ : فرانسیسی مسلم کونسل نے نیوزی لینڈ کی مساجد میں ہونے والی دہشت گردی کی وڈیو انٹرنیٹ پر نشر کرنے پر فیس بک اور یوٹیوب کیخلاف مقدمہ درج کرادیا۔

    تفصیلات کے مطابق کرائسٹ چرچ کی مساجد میں ہونے والی دہشت گردی کی وڈیو کو انٹرنیٹ پر براہ راست جاری کرنے پر فیس بک اور یوٹیوب کیخلاف مقدمہ دائر کردیا گیا، مذکورہ مقدمہ فرانسیسی مسلم کونسل نے دائر کیا ہے۔

    اس حوالے سے مسلم کونسل کے عہدیداران کا کہنا ہے کہ فیس بک اور یوٹیوب نے پرتشدد اور انسانی اقدار کے منافی وڈیو براہ راست نشر کی جو انسانی اقدار کی خلاف ورزی ہے، غیر ملکی خبر ایجنسی کے مطابق فرانس میں ایسی شکایات پر تین سال قید اور پچھتر ہزار یورو جرمانہ عائد کیا جاتا ہے۔

    واضح رہے کہ رواں ماہ15مارچ کو کرائسٹ چرچ کی دو مساجد میں مسلح دہشت گرد نے حملہ کرکے اس کی وڈیو براہ راست فیس بک پر جاری کی تھی۔

    مذکورہ ویڈیو17منٹ تک مسلسل انٹرنیٹ پر دکھائی گئی۔ اس اندوہناک سانحے میں فائرنگ کرکے50نمازیوں کو شہید اور48کو زخمی کردیا گیا تھا۔

  • یو ٹیوب کا سازشی ویڈیوز کے خلاف کریک ڈاؤن کا بڑا فیصلہ

    یو ٹیوب کا سازشی ویڈیوز کے خلاف کریک ڈاؤن کا بڑا فیصلہ

    کیلی فورنیا: امریکی ویڈیو شیئرنگ ویب سائٹ یو ٹیوب نے سازشی ویڈیوز کے خلاف کریک ڈاؤن کا بڑا فیصلہ کر لیا۔

    تفصیلات کے مطابق انٹر نیٹ پر ویڈیو شیئرنگ کی بڑی ویب سائٹ یو ٹیوب نے فیصلہ کیا ہے کہ ’سفید جھوٹ‘ پر مبنی ان ویڈیوز کے آگے فل اسٹاپ لگا دیا جائے، جو سائیڈ بار پر نمودار ہوتی ہیں۔

    یہ وہ ویڈیوز ہیں جن میں مختلف قسم کے نا قابلِ یقین علاج یا دیگر اہم معاملات میں رجوع کا مشورہ دیا جاتا ہے۔

    یوٹیوب کے مطابق اس نوع کی ویڈیوز کے خلاف، جن کے ذریعے عوام الناس کو گمراہ کیا جائے یا اپنے مقاصد کے لیے راغب کیا جائے، بڑا کریک ڈاؤن کیا جائے گا.

    یاد رہے کہ یو ٹیوب اس وقت دنیا کی سب سے بڑی ویڈیو شیئرنگ سائٹ ہے، جس کے صارفین اربوں‌ میں ہیں. اس کی رسائی کے باعث اسے منفی مقاصد کے لیے بھی باکثرت استعمال کیا جاتا ہے.

    مزید پڑھیں: یوٹیوب سے 2 ارب 69 کروڑ کمانے والا سات سالہ بچہ

    خیال رہے کہ 16 جنوری 2019 کو یوٹیوب انتظامیہ کی جانب سے خطرناک، تکلیف دہ اور جذباتی مواد پر مبنی ویڈیوز پر پابندی عائد کرنے کا اعلان کیا گیا تھا.

    یوٹیوب کی انتظامیہ نے پرینک کے نام پر اسے ویڈیوز اپلوڈ کرنے پر پابندی لگادی تھی، جو کسی بھی طرح صارفین کے جذبات کو مجروح کرتی ہو۔

  • یوٹیوب نے خطرناک ویڈیوز پر پابندی لگا دی

    یوٹیوب نے خطرناک ویڈیوز پر پابندی لگا دی

    واشنگٹن : یوٹیوب انتظامیہ کی جانب سے خطرناک، تکلیف دہ اور جذباتی مواد پر مبنی ویڈیوز پر پابندی عائد کر دی گئی۔

    تفصیلات کے مطابق آن لائن ویڈیوز کے سب سے بڑے پورٹل یوٹیوب کی انتظامیہ نے پرینک کے نام پر اسے ویڈیوز اپلوڈ کرنے پر پابندی لگادی ہے جو کسی بھی طرح صارفین کے جذبات کو مجروح کرتی ہو۔

    یوٹیوب انتظامیہ کا کہنا ہے کہ ایسی ویڈیوز پر پابندی ہوگی جو کسی ایسے مذاق کی ترغیب دیتی ہو جو کسی کےلیے نقصان دہ ثابت ہو۔

    غیر ملکی خبر رساں ادارے کا کہنا ہے کہ یوٹیوب انتظامیہ کی جانب سے پابندی ان نام نہاد یوٹیوب چینلز کے باعث لگائی گئی ہے جس کی ویڈیوز میں ایسے افراد کو دکھایا جاتا ہے جو خود کو نقصان پہنچاتے ہیں یا ان کی موت واقع ہو جاتی ہے۔

    یوٹیوب انتطامیہ کا کہنا ہے کہ خطرناک اور تکلیف دہ مواد کی یوٹیوب پر کوئی جگہ نہیں۔

    غیر ملکی خبر رساں ادارے کے مطابق انتظامیہ کی جانب سے پابندی کے باوجود یوٹیوب پر ایسی ویڈیوز موجود ہیں جن کا مواد انتہائی خطرناک ہے۔

    خیال رہے کہ کچھ روز قبل یوٹیوب پر برڈ باکس چیلنج کی ایک ویڈیو گردش کررہی تھی جس میں آنکھوں پر پٹی باندھ کر گاڑی چلانی ہوتی ہے۔

    غیر ملکی خبر رساں ادارے کا کہنا ہے کہ 12 جنوری کو برطانیہ میں ایک کار حادثے کا شکار ہوئی تھی جس کا کم عمر ڈرائیور برڈ باکس چیلنج پورا کرنے کی کوشش کررہا تھا تاہم ڈرائیور خوش قسمتی سے زندہ بچ گیا لیکن گاڑی مکمل طور پر تباہ ہوگئی تھی۔

    انتظامیہ کا کہنا ہے کہ جو صارف یوٹیوب پالیسیوں کی مخالفت کرتے ہوئے خطرناک ویڈیوز اپلوڈ کرے گا اس کا اکاؤنٹ تین ماہ کےلیے بند کردیا جائے گا۔

  • یوٹیوب کا موبائل صارفین کے لیے نیا فیچر

    یوٹیوب کا موبائل صارفین کے لیے نیا فیچر

    نیویارک: انٹرنیٹ کی سب سے بڑی ویڈیو شیئرنگ ویب سائٹ یوٹیوب نے موبائل صارفین کے لیے نیا فیچر متعارف کرادیا۔

    تفصیلات کے مطابق انٹرنیٹ صارفین کی خاصی بڑی تعداد ویڈیوز تلاش یا شیئر کرنے کے لیے یوٹیوب ویب سائٹ کا سہارا لیتی ہے، ایک محتاط اندازے کے مطابق یومیہ لاکھوں لوگ یوٹیوب پر آتے اور ویڈیوز دیکھتے ہیں۔

    یوٹیوب کی جانب سے صارفین کے لیے وقتاً فوقتاً نت نئے فیچرز متعارف کرائے جاتے ہیں تاکہ سبقت کی دوڑ میں ویب سائٹ سرفہرست رہے۔

    کمپنی نے گزشتہ برس صارفین کے لیے ’ڈارک تھیم‘ نامی فیچر اینڈرائیڈ اور آئی او ایس صارفین کے لیے متعارف کرانے کا اعلان کیا تھا جسے اب خاموشی سے موبائل ایپ میں شامل کردیا گیا۔

    یوٹیوب ’ڈارک تھیم‘ نامی فیچر  کے بعد اب صارفین ایپلیکشن کے بیک گراؤنڈ کو آسانی کے ساتھ دیکھ سکیں گے، قبل ازیں سفید رنگ کی وجہ سے دھوپ اور کم روشنی میں ویڈیوز دیکھنے میں مشکلات پیش آتی تھیں مگر اب یہ مسئلہ حل ہوجائے گا۔

    فیچر ایکٹیو کرنے کا طریقہ

    یوٹیوب ایپ کھولیں اور پھر اوپر کی جانب دائیں ہاتھ پر نظر آنے والے آپشن پر کلک کریں، ایسا کرنے کے بعد نیچے ایک بار کھل جائے گی جہاں سیٹنگز کا آپشن نظر آئے گا۔

    اب سیٹنگز کے آپشن پر کلک کر یں جس کے بعد General نظر آئے گا، اس پر کلک کرنے کے بعد صارف کے سامنے ‘ڈارک تھیم‘ کا آپشن نظر آئے گا جسے آن کریں گے تو بیک گراؤنڈ سیاہ ہوجائے گا۔

    ٹیکنالوجی کے ماہرین کا ماننا ہے کہ اس فیچر کو استعمال کرنے سے موبائل کی بیٹری ٹائمنگ بڑھ جائے گی۔

  • نوجوانوں کے نزدیک فیس بک قابل بھروسہ نہیں رہا، رپورٹ

    نوجوانوں کے نزدیک فیس بک قابل بھروسہ نہیں رہا، رپورٹ

    سانسس فرانسسکو: امریکی تحقیقاتی ادارے نے انکشاف کیا ہے کہ نوجوانوں کی بڑی تعداد سماجی رابطے کی سب سے بڑی ویب سائٹ فیس بک سے اکتا گئی  جس کی وجہ سے وہ اب دیگر سوشل سائٹس استعمال کررہے ہیں۔

    تفصیلات کے مطابق امریکا میں کی گئی حالیہ تحقیق میں حیران کُن انکشاف اُس وقت سامنے آیا کہ جب سوشل میڈیا استعمال کرنے کے حوالے سے اعداد و شمار کی رپورٹ مرتب کی گئی۔

    تحقیق میں انکشاف ہوا کہ سن 2015 کے مقابلے میں نوجوان فیس بک استعمال کرنے میں عدم دلچپسی ظاہر کررہے ہیں یہی وجہ ہے کہ اب اُن کی تعداد میں 20 فیصد نمایاں کمی واقع ہوئی۔

    نجی تحقیقاتی ادارے پیو ریسرچ سینٹر کی جانب سے جاری کردہ سروے رپورٹ کے مطابق تین سال کے تقابلی جائزے کے دوران یہ بات سامنے آئی کہ فیس بک پر نوجوان صارفین کی تعداد 71 فیصد سے کم ہوکر 51 فیصد تک پہنچ گئی جبکہ سوشل میڈیا کی دیگر ایپس انسٹاگرام اور اسنیپ چیٹ کی مقبولیت میں بالترتیب 72 اور 69 فیصد اضافہ ہوا۔

    مزید پڑھیں: فیس بک اور واٹس ایپ کے استعمال پر ٹیکس عائد

    رپورٹ کے مطابق 12 سال سے 17 برس کی عمر کے صارفین جن میں لڑکے اور لڑکیاں شامل ہیں انہوں نے فیس بک کا استعمال ڈیٹا لیک ہونے اور دیگر وجوہات کی بنا پر چھوڑا جبکہ یوٹیوب پر ویڈیوز دیکھنے میں اُن کی دلچسپی خاصی حد تک بڑھ گئی۔

    تحقیقاتی ادارے نے دعویٰ کیا ہے کہ اگر نوجوانوں کی بڑی تعداد اتنی ہی تیزی کے ساتھ فیس بک کو خیرباد کہتی رہی تو ایک برس بعد سوشل میڈیا کی سب سے بڑی ویب سائٹ کے 20 لاکھ سے زائد صارفین کم ہونے کا خدشہ ہے۔

    واضح رہے کہ تحقیقاتی رپورٹ صرف امریکا کے نوجوانوں کو مدنظر رکھتے ہوئے مرتب کی گئی ہے، ماہرین نے انکشاف کیا ہے کہ 2016 میں ہونے والے امریکی صدارتی انتخابات کے بعد فیس بک کو جن الزامات کا سامنا کرنا پڑا اور اُس کے بانی نے خود بھی صارفین کے ڈیٹا کے استعمال کا انکشاف کی اُس کے بعد لوگوں نے اس فارم پر اعتبار کرنا چھوڑ دیا ہے۔

    یہ بھی پڑھیں: فیس بک نے ٹرینڈنگ فیچر ختم کرنے کا اعلان کردیا

    دوسری جانب حیران کُن طور پر ان دو سالوں کے درمیان یوٹیوب، انسٹاگرام، اسنیپ چیٹ اور ٹویٹر کے صارفین کی تعداد میں اضافہ دیکھنے میں آیا جس کی بنیاد پر ماہرین کہتے ہیں کہ اب صارف فیس بک کے علاوہ دوسرے پلیٹ فارم کے استعمال کو فوقیت دیتا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔