انڈین پریمیئر لیگ (آئی پی ایل) کے جاری ایڈیشن کے 31 ویں میچ میں پنجاب کنگز کے لیگ اسپنر یزویندرا چہل کو پلیئر آف دی میچ کا اعزاز ملنے کے بعد آر جے مہوش نے خراج تحسین پیش کرتے ہوئے ایک معنی خیز انسٹا اسٹوری شیئر کی۔
انڈین پریمئیر لیگ (آئی پی ایل) کے اہم معرکے میں کولکتہ نائٹ رائڈرز کی ٹیم 111 رنزکے تعاقب میں 16 ویں اوور میں 95 رنز پر ڈھیر ہوگئی۔
پنجاب کنگز کی جانب سے یزویندر چہل نے 4 اوورز میں 28 رنز دیکر 4 وکٹیں لیں اور ٹیم کی فتح میں اہم کردار ادا کیا۔
انکی دیرینہ دوست آر جے مہوش نے یوزویندر چہل کی شاندار کارکردگی پر انہیں خراج تحسین پیش کیا اور لیجنڈ کے خطاب سے نواز دیا۔
اسکے ساتھ ہی یوزویندر چہل انڈین پریمئیر لیگ (آئی پی ایل) میں 211 وکٹوں کیساتھ آل ٹائم لیڈنگ وکٹ ٹیکر بننے کا اعزاز بھی حاصل کرچکے ہیں، انہوں نے 8 ویں بار ایک میچ میں 4 یا زیادہ وکٹیں لینے کا کارنامہ سرانجام دیا۔
آر جے مہوش نے سوشل میڈیا پلیٹ فارم کی کہانی میں ایک تصویر شیئر کی، یہ اُس وقت کی تصویر تھی جب چاہل نے اپنی PBKS کٹ عطیہ کی تھی۔ تصویر میں دیکھا جاسکتا ہے کہ دونوں مسکرا رہے ہیں۔
قابل ذکر بات یہ ہے کہ چاہل کی اپنی سابقہ بیوی، معروف کوریوگرافر دھنا شری ورما سے علیحدگی کے بعد دونوں کو ایک سے زیادہ مواقعوں پر ایک ساتھ دیکھا گیا ہے۔
یاد رہے کہ اس سے قبل یزویندرا چہل کی آرجے مہوش کے ساتھ وائرل تصویر کے بعد سابق اہلیہ دھانشری ورما کی معنی خیز پوسٹ وائرل ہوئی تھی۔
آئی سی سی چیمپئنز ٹرافی کا فائنل دبئی میں کھیلا گیا تھا تاہم میچ میں کرکٹر یزویندرا چہل کی آرجے مہوش کے ساتھ میچ دیکھنے کی تصویر سوشل میڈیا پر وائرل ہوگئی تھی۔
دھناشری نے انسٹاگرام اسٹوری میں لکھا تھا کہ ’خاتون پر الزام لگانا ہمیشہ فیشن رہا ہے۔‘
آر جے مہوش نے چیمپئنز ٹرافی 2025 کے فائنل کی ویڈیوز اور تصاویر بھارت کی جیت کے بعد پوسٹ کی تھیں۔
دھناشری ورمانے کیپشن میں لکھا تھا، ”کہا تھا نہ جیت کے آنگی (میں نے آپ سے کہا تھا کہ جتوا کر آؤں گی) میں ٹیم انڈیا کے لیے اچھی گڈ لک ہوں۔“
یوزویندر چہل کے پیچھے چٹان کی طرح کھڑی ہوں، آر جے مہوش
واضح رہے کہ یوزویندر چہل اور یوٹیوبر ڈانسر دھناشری ورما نے مہینوں کی علیحدگی کے بعد 21 فروری کو اپنی طلاق کو حتمی شکل دے دی تھی۔
