برطانیہ کے کنزرویٹو لارڈ زیک گولڈاسمتھ پر ٹریفک قوانین کی مسلسل خلاف ورزی کرنے کے باعث ڈرائیونگ کرنے پر پابندی عائد کردی گئی ہے۔
غیر ملکی ذرائع ابلاغ کے مطابق جمائما کے بھائی زیک گولڈاسمتھ پر پابندی کا اطلاق ایک سال تک رہے گا، اس کے علاوہ انہیں 8 ہزار 200 پاؤنڈ جرمانہ بھی ادا کرنے کا حکم دیا گیا ہے۔
غیر ملکی میڈیا کے مطابق زیک گولڈاسمتھ کو ویسٹ منسٹر مجسٹریٹس کورٹ میں سزا سنائی گئی، ان کے لائسنس پر 12 پینالٹی پوائنٹس لگائے گئے ہیں، زیک گولڈاسمتھ 2 برس کے دوران 11 مرتبہ ٹریفک قواعد کی خلاف ورزی پر پکڑے گئے۔
رپورٹ میں کہا گیا ہے کہ زیک گولڈاسمتھ مئی 2022 سے گزشتہ برس مارچ تک چار مرتبہ اور گزشتہ برس مئی سے دسمبر تک 7 مرتبہ تیز رفتار ڈرائیونگ کے باعث قانون کی زد میں آئے ہیں۔
چین: شادیوں کی شرح میں اضافے کی اصل وجہ سامنے آگئی ؟
واضح رہے کہ زیک گولڈاسمتھ پاکستان تحریک انصاف (پی ٹی آئی) کی سابقہ اہلیہ جمائما گولڈ اسمتھ کے بھائی ہیں۔
