ARYNews.tv | Urdu – Har Lamha Bakhabar

Tag: zafar gondal

  • سابق چیئرمین ای او بی آئی ظفرگوندل ملازمت سے برطرف

    سابق چیئرمین ای او بی آئی ظفرگوندل ملازمت سے برطرف

    اسلام آباد : سابق چیئرمین ای اوبی آئی ظفر اقبال گوندل کو کرپشن الزامات پر ملازمت سے فارغ کر دیا گیا ہے۔

    تفصیلات کے مطابق وزیراعظم شاہد خاقان عباسی نے سابق چیئرمین ایمپلائز اولڈ ایج بینیفٹس ایسوسی ایشن ظفر اقبال گوندل کو ملازمت سے فارغ کر دیا۔

    ترجمان وزیراعظم ہاﺅس کے مطابق ظفر گوندل کے خلاف کرپشن اور مس کنڈکٹ کے الزامات کی تحقیقات کےلیے اعلیٰ سطح کی کمیٹی قائم کی گئی تھی جس نے تحقیقات کے بعد وزیراعظم کو سفارش کی تھی کہ ظفر گوندل کے خلاف کارروائی کی جائے۔

    وزیراعظم نے کمیٹی کی سفارشات کا جائزہ لینے کے بعد ظفر گوندل کو ملازمت سے فارغ کرنے کے احکامات جاری کیے۔

    یاد رہے کہ 23 ستمبر 2014 کو پولیس اورایف آئی اے کے اہلکاروں نے ای او بی آئی کرپشن اسکینڈل کے مرکزی ملزم ظفر گوندل کو سپریم کورٹ کے باہر سے گرفتار کیا تھا۔

    واضح رہے کہ ظفراقبال گوندل سابق وفاقی وزیر نذر گوندل کے بھائی اور آڈٹ اینڈ اکاونٹس گروپ کے گریڈ 20 کے افسر تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • راجہ پرویزاشرف،ظفرگوندل کیخلاف نیب میں ریفرنس دائر

    راجہ پرویزاشرف،ظفرگوندل کیخلاف نیب میں ریفرنس دائر

    اسلام آباد: سابق وزیراعظم راجہ پرویزاشرف اورسابق چیئرمین ای اوبی آئی ظفرگوندل کیخلاف نیب میں ریفرنس دائر کردیا گیا ہے، ریفرنس میں مؤقف اختیار کیا گیا ہے کہ غیرقانونی بھرتیوں سےخزانےکوساٹھ کروڑکانقصان بھی ہوا ہے۔

    ذرائع کے مطابق راجہ پرویز اشرف کے خلاف اپنے داماد راجہ عظیم الحق کو جونیئر افسر ہونے کے باوجود قواعد کی خلاف ورزی کرتے ہوئے عالمی بنک میں تعینات کرنے کے احکامات دئیے۔ راجہ پرویز اشرف کے خلاف نیشنل پاور کا ریفرنس پہلے ہی احتساب عدالت میں زیر سماعت ہے۔

    دوسری جانب ظفر گوندل سابق وفاقی وزیر نذر محمد گوندل کے بھائی ہیں۔ انہوں نے ای او بی آئی میں تین سوسےزائد ملازمین میرٹ کے خلاف بھرتی کئے اور قومی خزانے کو ساٹھ کروڑکا نقصان پہنچایا۔

  • ای او بی آئی کے سابق چیئرمین ظفرگوندل گرفتار

    ای او بی آئی کے سابق چیئرمین ظفرگوندل گرفتار

    اسلام آباد: ای او بی آئی کے سابق چیئرمین ظفر گوندل نے گرفتاری دیدی، ایف آئی اے کی ٹیم نے سپریم کورٹ کے احاطے سے گرفتار کیا۔

    تفصیلات کے مطابق ایمپلائز اولڈ اہج بینیفٹ انوسٹمنٹ کے سابق چیئرمین ظفر گوندل لاہور ایف آئی اے کوکرپشن کےچھ کیسز میں مطلوب تھے، سپریم کورٹ نےظفرگوندل کی گرفتار نہ کرنےکی درخواست خارج کردی تھی،اورایف آئی اے کوانھیں گرفتار کرکے تفتیش کرنےکا حکم دیاتھا۔

    دورانِ سماعت ایف آئی اے کی جانب سے مؤقف اختیار کیا گیا تھا کہ ظفر گوندل تفتیش میں مطلوب ہیں اور انہوں نے ضمانت بھی نہیں کروائی، ایف آئی اے انہیں ہراساں نہیں کررہی بلکہ تفتیش کےلیے رابطہ کرتی ہے۔

    جس پر اعلیٰ عدالت نے حکم میں کہاتھا کہ ظفر گوندل ضمانت کرائیں اگرایسا نہیں ہوا تو پھر ایف آئی اے گرفتارکرکے تفتیش کرے۔