کراچی : اسٹیٹ بینک آف پاکستان نے رواں اسلامی سال کیلئے زکواۃ کے نصاب کا اعلان کر دیا، رواں مالی سال زکوۃ کا نصاب تینتیس ہزار چھ سو اکتالیس روپے مقرر کیا گیا ہے۔
رواں اسلامی سال کیلئے اسٹیٹ بینک آف پاکستان نے زکواۃ کے نصاب کا اعلان کردیا ہے، اسٹیٹ بینک کے مطابق رواں مالی سال زکواۃ کا نصاب تینتیس ہزارچھ سو اکتالیس روپےمقررکیا گیا ہے۔
تینتیس ہزار چھ سو اکتالیس روپےسےزائدرقم پرزکواۃ کی کٹوتی ہوگی۔
اس سلسلے میں وزارتِ خزانہ اور اسٹیٹ بینک کے ذریعے بینکوں کو کھاتے داروں کے سیونگ اکاؤنٹس سے تینتیس ہزار چھ سو اکتالیس روپے سے زائد رقم پر دو اعشاریہ پانچ فیصد زکوٰۃ کاٹنےکی ہدایت کی جائیگی۔
زکوٰاۃ صرف ایسے بچت اکاؤنٹس سے منہا ہوتی ہے، جنکے مالک کٹوتی نہ کرنیکی درخواست نہیں دیتے۔
واضح رہے کہ ہر سال رمضان المبارک کی آمد سے چند روز قبل اسٹیٹ بینک کیجانب سے زکوۃ کا نصاب مقرر کیاجاتا ہے، جس کے تحت ملک بھر کے تمام ملکی اور غیر ملکی بینک یکم رمضان المبارک کوعوام کیلئے خدمات معطل کرکےکھاتوں سے زکواۃ کی کٹوتی کرتے ہیں پھر یہ رقم مرکزی بیت المال میں جمع کرائی جاتی ہے۔