کراچی: زمان ٹاؤن کے پولیس اہلکاروں کی شراب خانے سے رشوت وصولی کی ویڈیو سامنے آ گئی ہے۔
کورنگی ڈسٹرکٹ میں گشت پر مامور پولیس اہلکار پتھاریداروں کے ساتھ ساتھ شراب خانوں سے بھی بیٹ وصول کرنے لگے، زمان ٹاؤن تھانے کے اہلکاروں کی ویڈیو اے آر وائی نیوز کو موصول ہوئی ہے۔
ویڈیو میں دیکھا جا سکتا ہے کہ اہلکار ناصر جمپ کے قریب شراب خانے سے رشوت وصول کر رہے ہیں، موٹر سائیکل سوار 2 پولیس اہلکاروں کو دیکھا جا سکتا ہے۔
پولیس اہلکاروں نے ہاتھ کے اشارے سے شراب خانے پر موجود شخص کو بلایا، آنے والا شخص پولیس اہلکار کو رشوت دے کر واپس چلا گیا، جب کہ پولیس اہلکار رشوت پینٹ کی جیب میں ڈال کر روانہ ہو گئے۔
جہانگیر روڈ پر دودھ کی دکان میں ڈکیتی کی فوٹیج سامنے آ گئی
ایس ایس پی کورنگی توحید رحمان میمن نے اے آر وائی نیوز کی خبر اور وائرل ویڈیو پر نوٹس لیتے ہوئے رشوت طلب کرنے پر زمان ٹاؤن تھانے کے 2 پولیس اہلکار اویس اور بلاول کو معطل کر دیا ہے۔
ترجمان کورنگی پولیس کے مطابق اس معاملے کی انکوائری ڈی ایس پی کمپلین سیل کو دے دی گئی ہے۔
