اسلام آباد: احتساب عدالت نے دو نیب ریفرنسز میں آصف زرداری کی بریت سے متعلق درخواستوں پرفیصلہ محفوظ کرلیا، جو چوبیس نومبر کوسنایا جائے گا۔
اسلام آباد کی احتساب عدالت نے دو نیب ریفرنسز ایس جی ایس اور کوٹیکنا سے بریت کی درخواستوں پر سماعت کی، سماعت کے موقع پر آصف علی زرداری کی جانب سے فاروق ایچ نائیک پیش ہوئے تھے۔
آصف زرداری کے وکیل فاروق ایچ نائیک نے حتمی دلائل میں عدالت کو بتایا کہ ریفرنس کی اصل دستاویزات موجود نہیں۔ تفتیشی افسر نے بھی اصل دستاویزات نہیں دیکھیں۔ کیسز سیاسی انتقام لینے کے لیے بنائے گئے۔
عدالت نے سابق صدر کے وکیل کے دلائل مکمل ہونے پر فیصلہ محفوظ کرلیا، جو چوبیس نومبر کوسنایا جائے گا.
