نواب شاہ: سابق صدر آصف علی زرداری کو زرداری قبیلے کا سردار منتخب کرلیا گیا ہے۔
سابق صدر اور پیپلز پارٹی کےشریک چیئرمین آصف علی زرداری کو زرداری قبیلے کا سردار منتخب کرلیا گیا،دستار بندی کی تقریب نوابشاہ میں ہوئی جہاں قبیلے کے سرداروں نےآصف زرداری کی دستار بندی کی، اس موقع پرسابق صدر کاکہنا تھا اختلافات بھلا کر زرداری قوم متحد ہوجائے۔
سابق صدر آصف زرداری نے زرداری قبیلے کا سردار منتخب ہونے کے بعد اپنے آبائی قبرستان میں والدین کی قبور پر حاضری دی ہے اورپھولوں کی چادر چڑھائی ہے۔
سکھر: آصفہ بھٹو زرداری تولاڑکانہ میں موجود تھیں مگر پھر بھی سیکیورٹی کو مد نظر رکھتے ہوئے ان کو اسٹیج پر نہیں لایا گیا،پارٹی کی قیادت آصف علی زرداری جلسے میں موجود تھے اور انھوں نے اپنی تقریر میں بلا کس کو کہا وہ آپ بخوبی جانتے ہیں۔
ان خیالات کا اظہار پیپلزپارٹی کی مرکزی رہنماءشیری رحمان نے آئی بی اے سکھر میں میڈیاسے گفتگو کرتے ہوئے کیا،انہوں نے کہا کہ فوجی عدالتوں کو پاکستان پیپلز پارٹی نے تسلیم کیا ہے لیکن اسے غلط استعمال نہیں ہونے دیں گے۔
اے پی سی کا اجلاس گیارہ گھنٹے تک جاری رہا جس میں فوجی عدالتوں سمیت بیس نکاتی ایجنڈا شامل تھا شیری رحمن کا کہنا تھا کہ پی پی نے دہشت گردوں کا ہمیشہ ڈٹ کر مقابلہ کیا ہے اور سیکیورٹی کی وجوہات کی بناءپر بلاول بھٹو اور آصفہ بھٹو زرداری برسی کی تقریب میں شریک نہ ہوئے۔
انہوں نے ایک سوال کے جواب میں کہا کہ سانحہ پشاور اور کارساز کے واقعات کے بعد پاکستان پیپلز پارٹی کوئی بھی رسک نہیں لینا چاہتی، پیپلز پارٹی کے لیڈر آصف زرداری برسی جلسے میں اسٹیج پر موجود تھے ۔
اسی لئے بختاور بھٹو لاڑکانہ میں ہوتے ہوئے بھی اسٹیج پر نہیں آئیں، انکا کہنا تھا کہ برسی میں سندھ کی قیادت موجود تھی اور چاروں صوبوں میں سیکیورٹی کو مد نظر رکھتے ہوئے الگ الگ برسی کے پروگرام منعقد کئے گئے۔
ایک سوال کے جواب میں انکا کہنا تھا کہ آصف علی زرداری نے بلا کس کو کہا وہ آپ بخوبی اور اچھی طرح جانتے ہیں۔
اسلام آباد: سربراہ عوامی مسلم لیگ شیخ رشید نے کہا ہے کہ عمران خان کا دھرنا ختم کرنے کا فیصلہ درست تھا،بال حکومت کے کورٹ میں ہونے کے باعث وزیر اعظم نواز شریف پر اخلاقی دباؤ بڑھ گیا ہے۔
بنی گالا میں عمران خان سے ملاقات کے بعد میڈیا سے گفتگو کرتے ہوئے شیخ رشید احمد کا کہنا تھا کہ موجودہ صورت میں عمران خان نے اپنی تحریک جاری نہ رکھ کر درست فیصلہ کیا،حالات کا تقاضہ تھا کہ سیاست کی بجائے قومی یک جہتی کو فروغ دیا جائے، انہوں کے کہا کہ جوڈیشل کمیشن کے قیام سے متعلق بال اب حکومت کے کورٹ میں جس کے باعث عدالتی کمیشن کے قیام تک نو از شریف پر اخلاقی دباؤ بنا رہے گا۔
ایکشن پلان کمیٹی برائے انسداد دہشت گردی میں مدعو نہ کئے جانے پر شیخ رشید نے کہا کہ نواز شریف چھوٹی سوچ کے مالک ہیں ان کے ہوتے ہوئے قومی سلامتی کے کسی بھی اجلاس میں مدعو کئے جانے کی امید نہیں،سیاست کا وقت نہیں ہے قوم ایک اور نیک ہو کر دہشت گردوں کو شکست دے۔
لاہور: عوامی تحریک کے سربراہ شیخ رشید نے کہا ہے کہ مسلم لیگ ن نےلاہور کو فیصل آباد بنانے کی کوشش کی تو مزاکرات دھرے کے دھرے رہ جائیں گے حکومت ہوش کے ناخن لے اور جمہوریت کے خلاف سازشیں بند کرے۔
لاہور میں پریس کانفرنس سے خطاب کرتے ہوئے شیخ رشید نے کہا کہ لاہور کے عوام دھاندلی کے خلاف اپنا احتجاج ریکارڈ کرائیں گے اگر حکومت نے تشدد کی راہ اختیار کی تو جلسے اور جلوس جاتی عمرہ کا رخ بھی کرسکتے ہیں انھوں نے کہا کہ نواز شریف چار حلقے بچاتے بچاتے تین سو بیالیس کے ایوان کو گنوا بیٹھیں گے اگر ان میں ذرا بھی سیاسی سوچ بوجھ ہے تو فیصل آباسانحے سے سیکھیں۔
فیصل آباد سانحے پر جوڈیشل کمیشن کا بیٹھنا خود نواز شریف کے حق میں ہے،شیخ رشید نے کہا کہ سعد رفیق میں اگر اخلاقی جرات تو فوری طور پر مستعفی ہوجائیں انھوں نے کہا کہ حکومتوں کے آخری دن ایسے ہی گزرتے ہیں جیسے نواز شریف کے گزر رہے ہیں جو اسمبلی دھونس اور دھاندلی سے بنی ہو اورجس کاوزیر اعظم جعلی ہو اس کا کوئی مستقبل نہیں ہوسکتا۔
لاہور: پیپلز پارٹی اپنا یوم تاسیس تیس نومبر کو منانے جارہی ہے، بلاول ہاؤس لاہور میں یوم تاسیس کنونشن کی صدارت سابق صدر آصف علی زرداری کریں گے۔
تیس نومبر انیس سو سڑسٹھ کو قائم ہونے والی پیپلزپارٹی کے یوم تاسیس کی مرکزی تقریب بلاول ہاوس لاہور میں منعقد ہوگی، جسے دو حصوں میں تقسیم کیا گیا ہے۔
تیس نومبر کے یوم تاسیس میں سینٹرل اور جنوبی پنجاب کے تنظیمی عہدیدار شریک ہوں گے جبکہ دو دسمبر کو سندھ،بلوچستا ن، خیبر پختونخوا، گلگت بلتستان اوت آزاد کشمیر سے کارکن شریک ہوں گے۔
بلاول بھٹو زرداری کی مصروفیات کے باعث کنونشن سے شریک چیئرمین آصف علی زرداری یوسف رضا گیلانی راجہ پرویز اشرف اور منظور وٹو خطاب کریں گے۔
لاہور کی سڑکوں پر کنونشن کے حوالے سے خیر مقدمی بینرز اور فلیکسز بھی لگا دیئے گئے ہیں۔
کراچی: عوامی مسلم لیگ کے سربراہ شیخ رشیدنے کہاہےتیس نومبر کو حکومت جیساکرے گی ویسا بھرے گی۔اگر بدمعاشی کی گئی تو بھرپور جواب دیا جائے گا ، وہ کراچی ایئرپورٹ پرمیڈیا کے نمائندوں سے گفتگو کرر رہے تھے۔
شیخ رشید نے کہا کہ کراچی میں ایم کیوایم سے کہنے آیاہوں کہ ویہ بھی عوام کیلئے باہر نکلیں ۔ تیس نومبر جلسےکیلئےکپتان اور اتحادیوں کی تیاریاں زورو شور سے جاری ہیں۔
شیخ رشیدنے دوٹوک کہہ دیا کہ اگرحکومت نے رکاوٹ ڈالی تو حالات کی ذمہ داروہ خودہوگی،شیخ رشیدنےکہا کہ ایم کیوایم کو کہنے آیاہوں کہ باہر نکلیں۔
عوامی مسلم لیگ کے سربراہ نے کہا کہ آصف زرداری جمہوریت کو نہیں خود کو بچارہے ہیں، جس دن ان پر نیب کے مقدمات ختم ہوگئے ،اُسی دن ان کی کٹی ہوئی زبان بھی باہر آجائے گی ،شیخ رشید نے کہا کہ سات خاندانوں اور ان کے تیس احمقوں نے ملک پر قبضہ کررکھاہے۔
اسلام آباد: عوامی مسلم لیگ کےسربراہ شیخ رشیداحمدکا کہنا ہےکہ پیپلز پارٹی اس لیے حکومت کیساتھ ہے کہ آصف علی زرداری نواز شریف کی طرح نیب سے اپنے کیسز ختم کروا سکیں۔
میڈیا سےگفتگو کرتےہوئے شیخ رشید احمد نے کہا کہ میں نے یہ کہا کہ اس نظام کو آگ لگادی جائےجس میں غریب کے بجائےایک خاندان کو فائدہ پہنچے۔
انکا کہناتھا کہ وہ اس نظام سے مایوس ہوچکے ہیں جس میں وزرا منی لانڈرنگ کا اعتراف کرتے ہوں، شیخ رشید احمد کا کہنا تھا کہ جعلی اسمبلیاں ریت کی دیوار پر کھڑی ہوتی ہیں عوام کے قدموں پر نہیں، شیخ رشید احمد نے الزام عائد کیا کہ نواز شریف نے کرپشن کا ریکارڈ توڑ دیا انہوں نے اپنی اولاد کو بانٹا اور غریب کی اولاد کو ڈانٹا۔
اسلام آباد: وفاقی وزیر خزانہ اسحاق ڈار نے کہا ہے کہ ایسی ترامیم لانا چاہتے ہیں جس سے آئندہ انتخابات کو شفاف بنایا جا سکے۔
انتخابی اصلاحاتی کمیٹی کےاجلاس کی صدارت کرتے ہوئےانکا کہنا تھا کہ آئندہ انتخابات کو شفاف بنانے کیلیےضرورت پڑنے پرآئینی ترامیم بھی لا سکتےہیں، انہوں نے بتایاکہ کمیٹی کےسامنےاب تک عوام کیجانب سےدو سو نوےسفارشات پیش ہوئیں، اسحاق ڈار نے بتایاکہ انتخابی اصلاحات کےقواعدکوحتمی شکل دیدی گئی جبکہ نادرااور پرنٹنگ حکام کوآئندہ اجلاس میں طلب کرلیا ہے، یکم ستمبرتک اسٹیک ہولڈرزسےاصلاحات طلب کرلیں۔
اس موقع پرسیکریٹری الیکشن کمیشن نےاجلاس کوبتایاکہ افضل خان کےالزامات پرالیکشن کمیشن کااجلاس کل ہو گا، سیکریٹری الیکشن کمیشن کے مطابق تمام اصلاحات کے پیکجز انتخابی اصلاحاتی کمیٹی کے سامنے پیش کیے ہیں، نئے قوانین کا مسودہ بھی کمیٹی کو دیدیا ہے جبکہ الیکشن کے بعدکمیشن کی تین سو سولہ سفارشات کاحتمی فیصلہ پارلیمنٹ کریگی۔
سیکریٹری نےمطالبہ کیاکہ الیکشن کمیشن کےفراہم کردہ قوانین کوآئینی شکل دیجائے،بائیومیٹرک سسٹم کیلیےقانون سازی کیجائےاور بیرون ملک مقیم پاکستانیوں کوووٹ کاحق دیاجائے، سیکریٹری الیکشن کمیشن نےاجلاس کوبتایاکہ الیکٹرونک ووٹنگ سے انتخابی مقدمات ختم ہو جائیں گے جبکہ نئی حلقہ بندیاں بھی ضروری ہیں۔
اسلام آباد : مسلم لیگ ن کے رہنما اسحاق ڈار کا کہا ہےکہ وزیراعظم کے مستعفی ہونے کاسوال ہی پیدانہیں ہوتا۔
وفاقی وزیر خزانہ اسحاق ڈار نے کہا ہے کہ ن لیگ کے ہاتھ صاف ہیں، وزیراعظم کے استعفے کا سوال ہی پیدا نہیں ہوتا۔ آصف زرداری نے جمہوریت کے استحکام، آئین و قانون کی بالادستی کیلئے بھرپور حمایت کا یقین دلایا ہے۔ تحریک انصاف جوڈیشل کمیشن کا مطالبہ مان لے تو ان کے تمام مطالبات حل ہو جائیں گے۔
پیپلزپارٹی کے شریک چیئرمین آصف زرداری سے ملاقات کےبعدلیگی رہنماؤ نے میڈیا بریفنگ دیتے ہوئے بتایاکہ پیپلزپارٹی کی قیادت نے مکمل حمایت کا یقین دلایاہے، اسحاق ڈارنے ایک بار پھر دوٹوک الفاظ میں کہا۔وزیراعظم کے استعفاکا سوال ہی پیدانہیں ہوتا، کوئی ثالث بن کرکوشش کریں توخوش آمدید کہیں گے ۔
ویزردفاع خواجہ آصف نےکہاآصف زرداری نےحکومت کا ساتھ دینے کی یقین دہانی کرائی ہے، وزیرریلوے سعدرفیق نےکہاحملہ حکومت پرنہیں آئین اور جمہوریت پر ہواہے۔
وفاقی وزیر عبدالقادربلوچ نےدعوی کیاہے کہ تحریک انصاف کے ساتھ معاملات فیصلہ کن مرحلے میں ہیں،لیگی رہنماؤں کا کہناہے حکومت نے دھرنےوالوں کے ساتھ بہت نرمی کا بتاؤ کاکیا
