پاکستان میوزک بینڈ ’اور‘ کے نوجوان گلوکاروں کی برطانوی گلوکار زین ملک کے ساتھ ’تو ہے کہاں‘ کی آفیشل ویڈیوز نے ریلیز ہوتے ہی دھوم مچادی۔
پاکستانی بینڈ کی جانب سے یوٹیوب پر 2021 میں ریلیز کیے گئے گانے کے اپڈیٹڈ ورژن ’تو ہے کہاں‘ گانے کی ویڈیو ریلیز کی گئی جس میں زین ملک نے گانے کے کچھ بول اردو میں گنگنائے۔
View this post on Instagram
زین ملک کو اردو میں گانا گنگناتے سُن کر مداح خوشی سے جھوم اُٹھے، مداحوں کا اس حوالے سے کہنا ہے کہ یہ ایک خوشگوار سرپرائز ہے۔
ایک خاتون صارف نے ردعمل میں کہا کہ ’ میں جانتی تھی زین روانی سے اردو بولتے ہیں لیکن مجھے یقین نہیں آرہا زین ملک نے اس گانے کو گنگایا ہے‘۔
واضح رہے کہ پاکستان کا ابھرتا ہوا میوزک بینڈ ’اور‘ 2020 میں اسامہ علی، احد خان اور رافع انور نے بنایا تھا، بینڈ نے اپنا پہلا گانا ’تو ہے کہاں‘ 2021 میں ریلیز کیا۔
View this post on Instagram
یہ گانا پاکستان میں بہت زیادہ ہٹ ہوا جس کے بعد ’اور‘بینڈ کے کیریئر کو شروع کرنے میں مدد کی، جسے مداحوں کی جانب سے بے حد پزیرائی ملی تھی، اس گانے کو یوٹیوب پر 47 ملین لوگ سن چکے ہیں۔
Listen I know zayn speaks fluent Urdu,I know MoM has a small verse, he’s covered songs too & tightrope has a small cover. BUT ZAYN MALIK IN THIS SONG??????? Unreal.
Here’s just Zayn’s verses in Tu Hai Kahan pic.twitter.com/ahWl1bNfcF
— ames (@maliktuanverse) January 12, 2024
ان کی کامیابی صرف مقامی نہیں ہے بلکہ بھارت میں بھی ان کے مداحوں کی بڑی موجود ہے جس کے بعد بین الاقوامی سطح پر اس پاکستانی بینڈ کی پہچان بڑھ رہی ہے۔
