پاکستان کی معروف اداکارہ زیبا بختیار نے 16 بالی ووڈ فلموں کو مسترد کرنے کی وجہ بتادی ہے۔
زیبا بختیار ایک تجربہ کار اسٹار ہیں جن کا پاکستانی شوبز کے ساتھ ساتھ بالی ووڈ میں بھی کامیاب کیریئر رہا ہے، اداکارہ فلم حنا میں آنجہانی اداکار رشی کپور کے ساتھ جلوہ گر ہوئی، ان کی فلم حنا کو مشہور سمجھا جاتا ہے۔
زیبا بختیار حال ہی میں ملیحہ رحمان کے شو میں شرکت کی جہاں انہوں نے اپنے بالی ووڈ میں کام کرنے کے تجربے کے بارے میں بات کی۔
زیبا بختیار نے دوبارہ شادی نہ کرنے کی وجہ بتادی
اداکارہ زیبا بختیار کا کہنا ہے کہ میں راج کپور کی فلم میں کام کرنے کو اپنے کیریئر کا ایک نایاب موقع سمجھتی ہوں اور اس تجربے کے لیے بے حد شکر گزار ہوں۔
اداکارہ نے انکشاف کیا کہ فلم حنا کے بعد مجھے 16 بالی ووڈ فلموں کی آفرز ہوئیں، لیکن میں نے سب کو مسترد کر دیا، اس کی وجہ بیان کرتے ہوئے اداکارہ نے کہا کہ میں بالی ووڈ میں بے حد محتاط تھی کہ میں کس قسم کا کردار ادا کروں گی۔
زیبا نے کہا کہ مجھے ان فلموں کی کہانیاں اور کردار پسند آئے، لیکن ہر فلم میں کوئی نہ کوئی ایسا سین یا گانا ہوتا تھا جس سے میں اتفاق نہیں کر سکتی تھی، خاص طور پر میں نے بارش کے گانوں میں ساڑھی پہن کر بھیگ نہیں سکتی تھی اس لیے میں نے یہ فلمیں کرنے سے معذرت کر لی۔
زیبا بختیار نے یہ بھی کہا کہ پاکستان میں جب کوئی اداکار بالی ووڈ یا کسی اور بین الاقوامی انڈسٹری میں کام کر کے واپس آتا ہے تو اسے زیادہ اہمیت اور شہرت دی جاتی ہے۔
انہوں نے کہا کہ بدقسمتی سے پاکستان میں ہمیشہ سے یہ رجحان رہا ہے کہ لوگ امپورٹڈ چیزوں کو زیادہ پسند کرتے ہیں، یہی رویہ فنکاروں کے ساتھ بھی اپنایا جاتا ہے۔
واضح رہے کہ آذان بطور میوزک کمپوزر اپنے امور سرانجام دے رہے ہیں انہوں نے حال ہی میں ریلیز ہونے والی فلم کی موسقی کی دھن ترتیب دی۔
