Tag: zulfi bhukari

اسلام آباد : نائب سعودی وزیر نے معاون خصوصی زلفی بخاری کو پاکستانی تارکین وطن کی امداد اور واپسی میں تعاون کی یقین دہانی کراتے ہوئے کہا وطن واپسی کے خواہشمند آن لائن پورٹل ’عودۃ‘ سے درخواست دے سکتے ہیں۔

تفصیلات کے مطابق معاون خصوصی زلفی بخاری کا نائب سعودی وزیر برائے ہیومن ریسورسز کیساتھ ورچوئل اجلاس ہوا، اجلاس میں کوروناکےسعودی عرب کے مزدوروں پر پڑنے والے اثرات پرتبادلہ خیال کیا گیا۔

نائب سعودی وزیر نے پاکستانی تارکین وطن کی امداد اور واپسی میں تعاون کی یقین دہانی کراتے ہوئے کہا وطن واپسی کے خواہشمند آن لائن پورٹل’عودۃ‘ سے درخواست دے سکتے۔

معاون خصوصی زلفی بخاری نے سعودی حکومت کی کاوشوں پران کا شکریہ ادا کیا۔

خیال رہے سعودی وزارت افرادی قوت و سماجی بہبود نے وطن واپسی کے خواہش مند غیرملکیوں کی سہولت کے لیے (عودۃ) آن لائن پروگرام کا اجرا کیا تھا، اس پروگرام کے تحت وطن واپسی کے منتظر تمام غیرملکیوں کو آن لائن ابشر کے ذریعے واپسی کی درخواست دینے کی سہولت دی گئی ہے۔

حکام کا کہنا تھا کہ جو غیرملکی کارکن ایگزٹ ری انٹری، فائنل ایگزٹ، مختلف قسم کے وزٹ ویزوں یا سیاحتی ویزوں پر سعودی عرب آئے ہوئے ہوں اور وطن واپس جانا چاہتے ہوں وہ واپسی کی کارروائی ابشر کے ذریعے آن لائن کرواسکتے ہیں۔

وزارت افرادی قوت نے واضح کیا تھا کہ عودۃ پروگرام کے تحت وطن واپسی کے خواہش مند افراد کو مملکت سے نکلنے کے ویزے جاری ہوں گے اور پروازوں کے ذریعے انہیں وطن بھیجنے کے انتظامات کیے جائیں گے، حکام نے واضح کیا کہ کسی بھی ملک کے لیے پرواز اس ملک کی منظوری کے بعد ہی شروع کی جائے گی۔

اسلام آباد : وزیر اعظم کے معاون خصوصی اوورسیزپاکستانی زلفی بخاری کا کہنا ہے کہ مشکل گھڑی میں ہم وطنوں کی ہر ضرورت پوری کرنے کی کوشش میں ہیں، سعودی عرب نے ہر قسم کے ویزے میں دسمبر تک توسیع کر دی ہے۔

تفصیلات کے مطابق کورونا وائرس کے متاثرین کے لیے پارلیمنٹ کی فنکشنل کمیٹی کا اجلاس ہوا، وزیر اعظم کے معاون خصوصی اوورسیزپاکستانی زلفی بخاری نے اظہار خیال کرتے ہوئے کہا کہ یواےای اورسعودی وزیر عبداللہ بن نصیر سے ویڈیو لنک پر رابطہ ہوا، دنیا میں پاکستانی لیبر کمیونٹی کو درپیش مسائل اور حل پراقدامات کررہےہیں۔

زلفی بخاری کا کہنا تھا کہ موجودہ حالات کے باعث بیرون ملک پاکستانیوں میں بے چینی پائی جاتی ہے، مشکل گھڑی میں ہم وطنوں کی ہر ضرورت پوری کرنے کی کوشش میں ہیں، پاکستانیوں کی وطن واپسی کے لیے خصوصی اقدامات کیے جا رہے ہیں۔

معاون خصوصی نے مزید کہا کہ سعودی عرب نےہر قسم کے ویزے میں دسمبر تک توسیع کر دی ہے۔

گذشتہ روز معاون خصوصی برائے اوورسیز زلفی بخاری نے سعودی وزیر افرادی قوت عبداللہ بن نصیر سے ویڈیو لنک پر رابطہ کیا تھا جس میں پاکستانی مزدور اور لیبر کمیونٹی کو درپیش مسائل اور ممکنہ حل پر تفصیلی مشاورت کی گئی۔

زلفی بخاری نے پاکستانیوں کی وطن واپسی کےلئے خصوصی اقدامات کی بھی درخواست کی ، جس پر سعودی عرب کی جانب سے بڑا فیصلہ کیا گیا، سعودی عرب نے انٹری اور ایگزٹ ویزے کی مدت بڑھانے کا اعلان کرتے ہوئے کہا تھا کہ دسمبر تک پاکستانی مزدوروں کیلئے ویزے کی توسیع بالکل مفت ہو گی۔

سعودی حکومت نے 3ماہ تک کمپنیوں کوپاکستانی محنت کشوں کی برطرفی سے روکنےکا بھی اعلان کرتے ہوئے کہا کہ سعودی کمپنیاں 3ماہ تک محنت کشوں کوملازمت سےبرطرف نہیں کریں گی۔

سعودی وزیر کا کہنا تھا کہ تمام ملازمین کو 3ماہ تک تنخواہ کی ادائیگی کا سلسلہ جاری رکھاجائے گا اور کمپنیاں اب تک برطرف ملازمین سےبھی تعاون کریں گی۔

سعودی وزیر نے یقین دہائی کروائی تھی کہ محنت کشوں کوتنخواہ اور بقایا جات کی ادائیگی یقینی بنائی جائے گی، جس پر معاون خصوصی زلفی بخاری نے بھرپور تعاون کی یقین دہانی پر سعودی وزیر سےاظہار تشکر کیا۔

اسلام آباد: وزیر اعظم کےمعاون خصوصی زلفی بخاری کا کہنا ہے کہ چین میں پھنسےپاکستانیوں کوواپس نہ لانےکافیصلہ صحیح  تھا ، سعودی عرب میں پھنسے پاکستانیوں کو 3 سے5دن میں وطن واپس لایا جائےگا۔

تفصیلات کے مطابق وزیر اعظم کےمعاون خصوصی زلفی بخاری کی اوورسیزپاکستانیوں کو آن لائن بریفنگ دیتے ہوئے کہا کہ ڈبلیوایچ او نے پاکستان کے کرونا سے متعلق اقدامات کی تعریف کی، وزیراعظم کی ہدایت ہے کرونا متاثرین کے مسائل حل کئے جائیں۔

زلفی بخاری کا کہنا تھا کہ چین میں پھنسےپاکستانیوں کوواپس نہ لانےکافیصلہ صحیح تھا، چین میں پھنسےپاکستانیوں کی صورتحال روزانہ  مانیٹرکی جاتی ہے، جمعرات کو6 اشیاچین میں پھنسے 1300طالبعلموں کوپہنچائی جائیں گی۔

معاون خصوصی نے کہا کہ سعودی عرب میں پھنسے پاکستانیوں کے لئے بھی فکرمندہیں، 3 سے5دن میں سعودی عرب میں پھنسے پاکستانیوں کولایاجائےگاجبکہ دیگر ممالک میں موجود پاکستانی ہیلتھ اتھارٹیز سے تعاون کریں۔

ان کا مزید کہنا تھا کہ مشکل صورت میں وزارت اوورسیز کے سوشل میڈیا یا فون نمبر پر رابطہ کر سکتے ہیں۔

گذشتہ روز وزارت اوورسیز کی جانب سے چین کےشہرووہان میں پھنسے 1300 پاکستانی طلباکیلئے 15دن کاامدادی سامان بھیجا گیا ، امدادی سامان میں طلبا کیلئے کھانے پینے اور دیگرضروری اشیا شامل تھیں۔

زلفی بخاری کا کہنا تھا کہ بیرون ملک پا کستان کی ہرقسم کی مدد ہما ری اولین ترجیح ہے، کروناوائرس سے پوری دنیا متاثر ہورہی ہے، طلبا کے والدین سے وعدہ کیا ہے بچوں کاخیال رکھا جائےگا، اپنے شہریوں سےمتعلق چینی حکومت کے ساتھ رابطے میں ہیں۔

اسلام آباد : وزیر اعظم کے معاون خصوصی برائے اوور سیز پاکستانی زلفی بخاری کا کہنا ہے کہ چاہتاہوں پاکستان کے کالجز سے اگلے وزیراعظم نکلیں اور کوشش ہے پورے پاکستان میں ایک نصاب ہو۔

تفصیلات کے مطابق وزیر اعظم کے معاون خصوصی برائے اوور سیز پاکستانی زلفی بخاری نے اپنے بیان میں کہا ہے کہ ملک کامستقبل ایسے کالجز سے نکلے، جس کا وژن عمران خان نے دیکھاہے، چاہتاہوں پاکستان کے کالجز سے اگلے وزیراعظم نکلیں۔

زلفی بخاری کا کہنا تھا کہ کوشش ہے پورےپاکستان میں ایک نصاب ہو، اسکولوں ہی نہیں مدرسوں میں بھی یکساں تعلیم فراہم ہونی چاہیے، شوق تھابزنس مین بنوں، پڑھائی سے زیادہ اسپورٹس پردھیان تھا۔

معاون خصوصی برائے اوور سیز پاکستانی نے کہا کہ یہ شوق نہیں تھا کہ نمبرزیادہ آئیں بس پاس ہونے کی فکرہوتی تھی، اللہ کاشکرگزارہوں کہ کم عمری میں بہت کچھ دکھایااوردیابھی ہے۔

عمران خان کے حوالے سے ان کا کہنا تھا کہ وزیراعظم کودیکھ لیں20سال سےزیادہ جدوجہدہے، اگرخان صاحب فوری سیاست میں چلےجاتے تویہ جدوجہد نہ کہلاتی، عمران خان نےزیادہ جدوجہدکی اورآج اللہ نےانہیں وزیراعظم بنایا۔

یاد رہے زلفی بخاری نے کہا تھا کہ میں نے پاکستان میں کوئی کاروبار نہیں کیا، وزیراعظم عمران خان کو کہا جب تک عہدے پر ہوں کاروبار نہیں کروں گا، میرے خلاف انکوائری اس دور کی نہیں تھی، انکوائری کرپشن پر نہیں آف شور کمپنی پر تھی۔

ان کا کہنا تھا کہ اتحادیوں میں چھوٹے مسائل جلد حل ہوجائیں گے، جب آپ حکومت میں ہوں تو افواہیں ہوتی رہتی ہیں، میرے بارے میں جعلی خبر آئی کہ کمپنی سے استعفیٰ دے دیا ہے۔

اسلام آباد : وزیراعظم کے معاون خصوصی زلفی بخاری اہم ٹاسک لے کر امریکاروانہ ہوگئے، جہاں وہ وزیراعظم کے دورے سے متعلق انتظامات کاجائزہ لیں گے۔

تفصیلات کے مطابق وزیراعظم عمران خان کے دورہ امریکا کی تیاریاں جاری ہے ، معاون خصوصی زلفی بخاری اہم ٹاسک لے کر امریکاروانہ ہوگئے، جہاں وہ وزیراعظم کے دورے سے متعلق انتظامات کا جائزہ لیں گے۔

پاکستانیوں کا احتجاج کب اور کہاں کہاں ہوگا؟ زلفی بخاری حتمی شکل دیں گے جبکہ پاکستانی کمیونٹی کو کیا سرگرم کردارادا کرنا ہے، اس کے لئے وزیراعظم کا پیغام پہنچائیں گے۔

زلفی بخاری امریکا میں خصوصاً پی ٹی آئی سرگرم ورکرزکی ٹیمیں تشکیل دیں گے ، زلفی بخاری 3روزنیویارک میں قیام کریں گے ، اس دوران ان کی درجن بھر تنظیموں سے امریکا میں ملاقاتیں طے ہیں۔

زلفی بخاری انسانی حقوق وسماجی تنظیموں کے نمائندوں سمیت پاکستانی کمیونٹی اورپارٹی رہنماؤں سے بھی الگ الگ ملاقاتیں کریں گے جبکہ پی ٹی آئی یوتھ، طلبا سے ملاقات بھی زلفی بخاری کےشیڈول میں شامل ہیں۔

زلفی بخاری 3روز امریکا میں قیام کے بعد وطن واپس آجائیں گے اور پھر وزیراعظم کے ساتھ دوبارہ امریکا جائیں گے۔

وزیراعظم نے زلفی بخاری کوٹاسک دے دیا ہے کہ امریکا میں ہر پاکستانی دفتراور گھروں پر پاکستان اور کشمیر کا پرچم لہرائے ، زلفی بخاری کا کہنا ہے کہ جنرل اسمبلی اجلاس کے دوران پاکستان و کشمیر کے پرچم لہرائیں گے۔