ARYNews.tv | Urdu – Har Lamha Bakhabar

Tag: zulfi bhukhari

  • ریحام خان کے معافی مانگنے پر زلفی بخاری کا ردِعمل بھی آگیا

    ریحام خان کے معافی مانگنے پر زلفی بخاری کا ردِعمل بھی آگیا

    لندن: پاکستان تحریک انصاف کے رہنما زلفی بخاری کا کہنا ہے کہ سچ کی ہمیشہ جیت ہوتی ہے ، ریحام خان نے عوام کے سامنے معافی مانگ لی اور جرمانہ ادا کیا۔

    تفصیلات کے مطابق پاکستان تحریک انصاف کے رہنما زلفی بخاری نے سماجی رابطے کی ویب سائٹ ٹوئٹر پر ریحام خان کی معافی کی ویڈیو شیئر کرتے ہوئے اپنے بیان میں کہا سچ کی ہمیشہ جیت ہوتی ہے ، عدالتی حکم پر ریحام خان نے عوام کےسامنےمعافی مانگ لی اور جرمانہ بھرا، انشا اللہ ایک دن ہمارے ملک میں بھی ایسا ہی قانون ہوگا، جوبیشترمیڈیانمائندوں کو جھوٹ،جعلی خبروں پر بے کیفرکردارتک لے جائیگا ، یہ سب تب ہوتاہے جب قانون کی بالادستی ہوتی ہے ، اب اگلی باری کمشنر راولپنڈی کی ہے۔

    یاد رہے برطانوی عدالت کے حکم کے بعد ریحام خان نے معافی نامہ اور ویڈیو بیان سوشل میڈیا پر جاری کیا تھا ، جس میں ان کا کہنا تھا کہ تمام اشاعات پر زلفی بخاری کوشرمندگی کا سامنا کرنا پڑا ، زلفی بخاری پر لگائے جھوٹےالزامات پر غیرمشروط معافی مانگتی ہوں اور ساتھ ہی ہتک عزت ،قانونی اخراجات کی مدمیں رقم ادا کرنےپراتفاق کرتی ہوں۔

  • ‘طیارہ حادثے کی تحقیقات عوام تک پہنچانے کا حکم ،وزیراعظم نے مثال قائم کردی’

    ‘طیارہ حادثے کی تحقیقات عوام تک پہنچانے کا حکم ،وزیراعظم نے مثال قائم کردی’

    اسلام آباد : معاون خصوصی برائے اوورسیز زلفی بخاری کا کہنا ہے کہ وزیراعظم نے طیارہ حادثے کی تحقیقات عوام تک پہنچا کر گورننس کی مثال قائم کردی، جان گنوانے والوں کے پیارے شفاف اور غیرجانبدار تحقیقات کے حقدار ہیں۔

    تفصیلات کے مطابق معاون خصوصی برائے اوورسیز زلفی بخاری نے سماجی رابطے کی ویب سائٹ ٹوئٹر پر اپنے بیان میں کہا وزیراعظم نے طیارہ حادثے کی تحقیقات پبلک کرنے کی ہدایت کی ہے، تحقیقات عوام تک پہنچاکرگورننس کی غیرمعمولی مثال قائم کی جارہی ہے، کوئی بھی قیمتی جانوں کا نقصان پورا نہیں کرسکتا ، جان گنوانے والوں کے پیارے شفاف،غیرجانبدار تحقیقات کے حقدار ہیں۔

    گذشتہ روز وزیراعظم عمران خان نے پی آئی اے طیارہ حادثے کی انکوائری رپورٹ سے عوام کو باخبر رکھنے کا حکم دیتے ہوئے متاثرین کو یقین دلایا تھا کہ انصاف کے تقاضے پورے کئےجائیں گے۔

    عمران خان نے ہدایت کی تھی حادثے کی شفاف اور غیرجانبدار انکوائری میں کوئی کسراٹھا نہ رکھی جائے اور واقعے سے جڑے حقائق کو ہر صورت منظر عام پر لائیں۔

    وزیراعظم نے سول ایوی ایشن میں بڑے پیمانے پراصلاحات کا بھی عندیہ دیتے ہوئے کہا سی اےاے، پی آئی اے اور متعلقہ اداروں میں اصلاحات کا عمل تیز کیا جائے۔

  • بیرون ملک انتقال کرنےوالوں کی میتوں کو پاکستان لانے کیلئے انتظامات کررہے ہیں،زلفی بخاری

    اسلام آباد : معاون خصوصی زلفی بخاری نے بیرون ملک انتقال کرنےوالوں کے لواحقین سے اظہارافسوس کرتے ہوئے کہا کہ پیاروں کو کھونے کا دکھ سمجھ سکتا ہوں ، میتوں کو پاکستان لانے کے لئے انتظامات شروع کر رہے ہیں۔

    تفصیلات کے مطاق معاون خصوصی زلفی بخاری نے ویڈیو پیغام کے ذریعے بیرون مقیم پاکستانیوں کو پیٖغام دیا ، جس میں بیرون ملک انتقال کرنے والوں کے لواحقین سے اظہار افسوس کرتے ہوئے میتوں کی وطن واپسی کیلئےحکومتی اقدامات پراعتماد میں لیا۔

    زلفی بخاری نے کہا مشکل گھڑی میں جنہوں نےپیاروں کوکھویا دکھ سمجھ سکتاہوں، انتقال کرنے والے پاکستانیوں کا ڈیٹا اکٹھا کر رہے ہیں، میتوں کی منتقلی میں عالمی سطح پر ایئرپورٹس کی بندش رکاوٹ ہے۔

    معاون خصوصی برائے اوورسیز کا کہنا تھا کہ میتوں کو پاکستان لانے کے لئے حکومت اقدامات کررہی ہیں، پاکستان میں ہوں یا بیرون ملک مشکل میں سب ساتھ ہیں، اندازہ ہے، اوورسیز پاکستانی اس وقت کس تکلیف میں ہیں۔

    انھوں نے مزید کہا کہ یقین دلاتاہوں کہ ہرتکلیف میں آپ کےساتھ ہیں، بیرون ملک پاکستان ڈاکٹر دکھی انسانیت کی جو خدمت کر رہے ہیں کورونا کیخلاف لڑنے والے ڈاکٹرز،نرسز کو سلام پیش کرتا ہوں۔

    خیال رہے دنیابھرمیں کوروناکےمریضوں کی تعداد21لاکھ82ہزارسےزائدہوگئی جبکہ وائرس سے اموات کی تعداد ایک لاکھ45ہزار سے تجاوز کرگئی ہے جبکہ 5لاکھ 47ہزارسےزائدمریض صحت یاب ہوئے۔

  • سمندر پار پاکستانیوں کے لیے ’نیا پاکستان کالنگ ویب پورٹل‘ کا افتتاح

    سمندر پار پاکستانیوں کے لیے ’نیا پاکستان کالنگ ویب پورٹل‘ کا افتتاح

    اسلام آباد : وزیر برائے اوورسیز پاکستانی زلفی بخاری نے سمندرپارپاکستانیوں کے لیے "نیا پاکستان کالنگ ویب پورٹل” کا افتتاح کردیا، پورٹل میں بیرون ملک ڈاکٹرز، انجینئرز، پروفیسرز و دیگر ماہرین کا ڈیٹا جمع کیا جائے گا اور ضرورت کے تحت بیرون ملک ماہر پاکستانیوں سے رابطہ کیا جاسکے گا۔

    تفصیلات کے مطابق وزیر برائے اوورسیز پاکستانی زلفی بخاری نے سمندرپارپاکستانیوں کے لیے نیا پاکستان کالنگ ویب پورٹل کاافتتاح کردیا ، پورٹل میں بیرون ملک ڈاکٹرز، انجینئرز، پروفیسرز و دیگر ماہرین کا ڈیٹا جمع کیا جائے گا جبکہ بیرون ملک پاکستانی اپنی تفصیلات پورٹل میں ڈال سکیں گے اور مختلف شعبوں میں ضرورت کےتحت بیرون ملک ماہرپاکستانیوں سے رابطہ کیا جاسکے گا۔

    وزیر اعظم کےمعاون خصوصی زلفی بخاری نے افتتاحی تقریب سے خطاب کرتے ہوئے کہا بیرون ملک پاکستانیوں کوواپس پاکستان لاناوزیر اعظم کاوژن ہے، چین نےبیرون ملک سےاپنےبہترین لوگ واپس بلائے، ماضی کی حکومتوں نےسمندرپارپاکستانیوں کواہمیت نہیں دی، سمندرپارپاکستانی ملک کے لئے کردار ادا کرنا چاہتے ہیں۔

    زلفی بخاری کا کہنا تھا کہ پہلی بارحکومت بیرون ملک پاکستانیوں کےلیےپلیٹ فارم دےرہی ہے، او پی ایف کی ویب سائٹ کو بھی جلداپ گریڈ کریں گے اور بیرون ملک پاکستانیوں کے معاملات کوفوری حل کانظام لائیں گے۔

    مزید پڑھیں : حکومت کا اوورسیز پاکستانیوں کی خدمات حاصل کرنے کا فیصلہ

    زلفی بخاری نے مزید کہا کہ 100 روز پلان کے بعد اوورسیز پاکستانیوں کے لیے مزید سہولتیں دیں گے۔

    ویب پورٹل کے تحت وزارت تمام اوورسیز پاکستانیوں کا ریکارڈ ویب سائٹ پر رکھے گی، جس شعبے کے ماہر کی خدمات درکار ہوں گی، اسے وطن واپس بلایا جاسکے گا اور اوورسیز ماہرین سے حکومتی اور نجی ادارے استفادہ کر سکیں گے۔

    یاد رہے اکتوبر میں وزیراعظم عمران خان کا کہنا تھا کہ کہ بیرون ملک مقیم پاکستانیوں کیلئےاسپیشل پیکج کااعلان کرنے والے ہیں،ہر طرح کی رکاوٹ ختم کریں گے تاکہ ترسیلات زرمیں اضافہ ہو اور اوورسیز پاکستانیوں کو ملک پہنچنے پرامیگریشن دشواری ختم کریں گے، مشن ہے اوورسیز پاکستانیوں کی دیکھ بھال بہتراندازمیں کریں گے۔

    بعد ازاں اسلام آباد میں وزارت اوورسیز کے حکام کے اجلاس میں وزیراعظم عمران خان نے اوورسیز پاکستانیوں سے متعلق اہم فیصلے کرتے ہوئے بیرون ملک مقیم پاکستانی محنت کشوں کو سہولتیں دینے کا اعلان کیا تھا۔

    اجلاس میں بیرون ملک مقیم پاکستانیوں کا جامع ریکارڈ ترتیب دینے کا بھی فیصلہ کرتے ہوئے نادرا اور وزارت اوورسیز کے حکام کو مذکورہ ریکارڈ ترتیب دینے کا عمل شروع کرنے کی ہدایت کردی گئی تھی