اسلام آباد: نان فائلرز تاجروں کے لیے دوست ایپ 22 فروری تک لانچ کیے جانے کا امکان ہے، نگراں وزیر اعظم نے دوست ایپ کے لیے خصوصی ہدایات جاری کردی ہیں۔
تفصیلات کےمطابق ملک بھر کے نان فائلرز دکان داروں کو انکم ٹیکس سہولت دینے کے معاملے پر تاجروں کے لیے دوست ایپ 22 فروری تک لانچ کیے جانے کا امکان ہے۔
ذرائع نے بتایا کہ دوست ایپ سے 35 لاکھ دکان داروں کو انکم ٹیکس میں رجسٹرکرنے کا ہدف ہے ، نگراں وزیر اعظم نے دوست ایپ کے لیے خصوصی ہدایات جاری کرتے ہوئے کہا ہے کہ دوست ایپ کے لیے تمام تاجر تنظیموں سے مشاورت کی جائے۔
ذرائع کا کہنا ہے کہ تاجروں سے بھرپور مشاورت چند دن میں مکمل کی جائے گی ساتھ ہی تاجروں ، دکان داروں کو فکس ٹیکس اسکیم کے تحت فائلر بننے کا موقع دیا جائے گا۔