کراچی میں بارش کے بعد کی ابتر صورت حال پر گلوکار طلحہ انجم نے سندھ حکومت پر طنز کردیا۔
کراچی میں گزشتہ روز کی بارش کے بعد مختلف حادثات و واقعات میں 15 افراد جاں بحق ہوگئے جبکہ سیلابی صورت حال کے اثرات آج بھی شہر میں سڑکوں پر پڑنے والے گڑھے اور خراب گاڑیوں کی صورت میں نمایاں نظر آئے۔
ایسے میں گلوکار طلحہٰ انجم بھی خاموش نہ رہ سکے اور سماجی رابطے کی ویب سائٹ ایکس پر ردعمل شیئر کیا۔
انہوں نے سندھ حکومت پر طنز کرتے ہوئے لکھا کہ ّکراچی والوں گھبرانا نہیں ہے، اجرک والی نمبر پلیٹ آپ کی گاڑی یا موٹر سائیکل کو ڈوبنے نہیں دے گی۔
طلحہ انجم کی پوسٹ پر سوشل میڈیا صارفین ملے جلے ردعمل کا اظہار کررہے ہیں۔
جہاں صارفین نے ان کی پوسٹ کی حمایت کی تو وہیں بڑی تعداد میں پوسٹ پر ناپسندیدگی کا اظہار بھی کیا گیا ہے۔