اسلام آباد: وزیراعظم شہباز شریف کو پیش کردرہ رپورٹ میں بتایا گی ہے کہ ایف بی آر، آئی بی کی مشترکہ کوششوں سے 178ارب کی ریکوری ممکن ہوئی۔
تفصیلات کے مطابق وزیراعظم نے ٹیکس وصولیوں میں اضافے کیلئے اقدامات کرنے پر ایف بی آر اور آئی بی کی پذیرائی کی ہے، شہباز شریف نے کہا کہ ٹیکس آمدن میں اضافے کیلئے تمام اداروں کو ملکر کام کرنا ہوگا، معاشی استحکام ٹیم کی مشترکہ کوششوں کی بدولت ممکن ہوا
وزیراعظم شہباز شریف کا مزید کہنا تھا کہ ملک کی معاشی ترقی اور عوام کی خوشحالی کیلئے بھی سب کو ملکر کام کرنا ہے۔
ٹیکس چوری، ذخیرہ اندوزی کیخلاف کارروائی پر وزیراعظم کو رپورٹ پیش کی گئی، رپورٹ میں بتایا گیا کہ ایف بی آر، آئی بی کی مشترکہ کوششوں سے 178 ارب کی ریکوری ممکن ہوئی۔
رپورٹ میں بتایا گیا کہ کمپنیوں کے انضمام، ٹیلی کام شعبےمیں بقایاجات کی مد میں ٹیکس آمدن میں 69 ارب اضافہ ہوا، آئی بی نے 515چھاپے مارے، 10.5 ارب کا اضافی ٹیکس وصول کیا گیا۔
چینی، جانوروں کی خوراک، مشروبات، خوردنی تیل، تمباکو اور سیمنٹ کے شعبے میں چھاپے مارے، چینی، کھاد اور گندم کے شعبوں میں 13 ہزار سے زائد آپریشن کیے گئے۔
رپورٹ میں مزید بتایا گیا کہ اپریل 2022 سے اب تک 99 ارب سے زائد کی غیرقانونی ذخیرہ شدہ اشیا کو قبضے میں لیا گیا ہے۔
https://urdu.arynews.tv/fbr-chairman-says-will-not-spare-tax-evaders/