کراچی : شاپنگ مال میں آتشزدگی کے واقعے کی تحقیقات کے لیے ٹیکنیکل کمیٹی تشکیل دے دی گئی، کمیٹی پلازہ میں آگ لگنے کی وجوہات کا تعین کرے گی۔
تفصیلات کے مطابق کراچی میں راشد منہاس روڈ پر شاپنگ مال میں آتشزدگی کےواقعے کی تحقیقات کے لیے کمشنر کراچی نے چیف سیکرٹری کے احکامات پر ٹیکنیکل کمیٹی تشکیل دے دی۔
کمیٹی ڈپٹی کمشنرایسٹ الطاف شیخ کی سربراہی میں بنائی گئی ہے، ٹیکنیکل کمیٹی پلازہ میں آگ لگنےکی وجوہات کاتعین کرے گی۔
کمیٹی آتشزدگی کی وجوہات، عوامل اور ریسکیومحکموں سےجوابی وقت کی جانچ کرے گی ساتھ ہی غفلت برتنےوالےافسران، محکمہ بشمول پرائیویٹ افراد پر ذمے داری کا تعین بھی کرے گی۔
کمیٹی مستقبل میں واقعات کو روکنے کے اقدامات تجویزکرے گی اور تحقیقات کے بعد سات روزمیں رپورٹ پیش کرےگی۔
یاد رہے ہفتے کے روز شاپنگ مال میں آتشزدگی کےواقعے میں گیارہ قیمتی جانیں ضائع ہوئیں جبکہ متعدد زخمی ہوئے تھے۔