پی آئی اے کی انٹرنیشنل پرواز میں فنی خرابی

سی ای او قومی ایئرلائن نے ملازمین کے نام اہم خط لکھ دیا

پی آئی اے کی اسلام آباد سے ٹورنٹو جانے والی پرواز میں فنی خرابی کے باعث طیارے کو کراچی کی جانب موڑ دیا گیا۔

ترجمان پی آئی اے کے مطابق پرواز پی کے 781 کا رُخ کراچی کی طرف موڑ دیا گیا ہے اور تقریباً 3 گھنٹے بعد لینڈ کرے گی۔

جہاز میں فنی خرابی معمولی نوعیت کی ہے مگر کپتان نےطویل پرواز جاری رکھنے سے گریز کیا۔ پرواز کےکپتان نے بحراوقیانوس پر پرواز کرنے سے بہتر واپسی کو ترجیح دی۔

ترجمان کا کہنا ہے کہ جہاز کراچی لانے کا فیصلہ انجینئرنگ بیس پر بہتر انتظامات اور پرزہ جات کی دستیابی کے باعث کیا، پرواز کے استقبال کے تمام اقدامات مکمل اور مسافروں کو ائیرپورٹ ہوٹل میں قیام کرایا جائے گا۔

ترجمان کے مطابق پرواز کے مسافروں کی دیکھ بھال کیلئے طعام اور ٹرانسپورٹ کا انتظام بھی مکمل کر لیا گیا ہے، دوبارہ ٹورنٹو روانگی کا شیڈول کل دوپہر 1 بجے رکھا گیا تاکہ مسافر طویل پرواز کیلئے آرام کر سکیں۔