بنوں: تھانہ میریان پر شرپسندوں نے رات گئے اچانک حملہ کیا، پولیس کی بھرپور جوابی کارروائی پر دہشت گرد فرار ہوگئے۔
اے آر وائی نیوز کے مطابق پولیس ذرائع کا کہنا ہے کہ حملہ آوروں نے تھانے میں نصب تھرمل کیمرے کونشانہ بنایا، اس دوران چھوٹے، بڑے ہتھیاروں سے فائرنگ کی گئی، اہلکاروں کی جوابی فائرنگ سے حملہ آور فرار ہوگئے۔
واضح رہے گزشتہ دنوں بھی کنگرپل پولیس چوکی پر رات گئے دہشتگردوں نے اچانک حملہ کیا تھا، پولیس کی بھرپور جوابی کارروائی پر دہشت گرد فرار ہوگئے تھے۔
نوشہرہ میں گھریلو جھگڑے پر بیٹے کی فائرنگ سے باپ اور بھائی قتل
پولیس کے مطابق دہشتگردوں اور پولیس کے درمیان فائرنگ کاتبادلہ آدھا گھنٹہ جاری رہا تھا، جس میں کوئی جانی نقصان نہیں ہوا۔