آسٹریلیا کے خلاف پہلے میچ سے قبل پاکستانی ٹیم نے مقابلے تیاریاں شروع کردیں، کھلاڑیوں نے پنڈی اسٹیڈیم میں پریکٹس کی۔
اے آر وائی نیوز کے مطابق قومی ٹیم کا پریکٹس سیشن صبح ساڑھے گیارہ بجے شروع ہوا۔
پریکٹس سیشن میں کپتان بابراعظم، امام الحق، فواد عالم، ساجد خان، نعمان علی، سعود شکیل اور سرفراز احمد شریک ہوئے، اظہرعلی اور نسیم شاہ کل قومی ٹیم کو جوائن کریں گے۔
The captain joins the Test squad 👊👊
55 seconds of @babarazam258 in the zone!#BoysReadyHain#PAKvAUS pic.twitter.com/1hSnMbTUgL— Pakistan Cricket (@TheRealPCB) February 27, 2022
کھلاڑیوں نے پریکٹس کے دوران بیٹنگ، باؤلنگ اور فیلڈنگ کی مشقیں کیں۔
وکٹ کیپر بلے باز رضوان احمد اور فاسٹ بولر شاہین شاہ آفریدی نے بھی پی ایس ایل سیون کے فائنل کے باعث قومی ٹیم کو جوائن نہیں کیا ہے۔
دونوں بالترتیب ملتان سلطانز اور لاہور قلندر میں کپتانی کے فرائض انجام دیتے ہوئے پی ایس ایل کی ٹرافی کے حصول کے لیے آج قذافی اسٹیڈیم میں مدمقابل ہونگے۔
پریکٹس سیشن صبح ساڑھے گیارہ بجے سے دوپہر ڈھائی بجے تک جاری رہا۔
کھلاڑی پریکٹس سیشن کے کچھ دیر بعد ہوٹل کے لیے روانہ ہوگئے۔
مزید پڑھیں: آسٹریلوی ٹیم کو پاکستان آمد پر ‘خوش آمدید’
واضح رہے کہ پاکستان سے کرکٹ سیریز کھیلنے کے لیے آسٹریلوی ٹیم 24 سال کے طویل وقفے کے بعد آج صبح پاکستان پہنچ گئی ہے۔