ڈسکہ: لاہور سےسیالکوٹ جانے والی پرائیویٹ بس سروس نےخواتین اور بچوں کو موٹروےپر اتار دیا۔
تفصیلات کے مطابق نجی کمپنی کی بس نے 2 خواتین اور اس کے بچوں کو موٹروے پر اتار دیا اور وہاں سے روانہ ہوگئی۔
ٹرمینل کی بجائے موٹروے پر اتارنے پر مسافرخواتین اور بچےخوفزدہ ہو گئے، پریشانی کے عالم میں پولیس کو اطلاع دی گئی جس پر پولیس نے بروقت موقع پر پہنچ کر متاثرہ افراد کو ریسکیو کر کے ان کے گھر تک بحفاظت پہنچایا۔
سیکریٹری ٹرانسپورٹ اتھارٹی نے واقعہ کا نوٹس لیتے ہوئے بس تحویل میں لے لی، سیکریٹری آر ٹی اے نے کہا کہ آئندہ کوتاہی برتنے والی گاڑیوں کی کمپنی پر پابندی لگادی جائے گی۔
واضح رہے کہ موٹر وے گجرپورہ لنک روڈ واقعے سے شہریوں میں خوف پایا جاتا ہے، واقعے کے بعد سے موٹر وے پر پنجاب پولیس کو تعینات کر دیا گیا ہے اور اہلکاروں کو الرٹ رہنے کی ہدایت کے ساتھ ساتھ نگرانی کا عمل میں سخت کر دیا گیا ہے۔