سعودی عرب میں ایک بچے نے چابی نگل لی جس کا فوری طور پر آپریشن کرکے اس کی جان بچائی گئی۔
غیر ملکی میڈیا کے مطابق یہ خوفناک واقعہ سعودی عرب کی طائف گورنری میں پیش آیا جہاں ایک کمسن بچے نے چابی نگل لی تھی جس کی ایکسرے میں تصدیق کے بعد اس کا فوری طور پر آپریشن کرکے اس کی جان بچائی گئی۔
بچے کو تشویشناک حالت میں کنگ فیصل میڈیکل کمپلیکس کے ایمرجنسی ڈیپارٹمنٹ میں لایا گیا جہاں ایکسرے میں چابی کے گلے میں پھنس جانے کی تصدیق ہوئی۔ چابی گلے میں پھنس جانے کی وجہ سے بچہ موت کے قریب پہنچ گیا تھا تاہم بروقت طبی امداد اور لیپرو اسکوپک آپریشن کرکے اس کی جان بچائی گئی۔
اس حوالے سے کنگ فیصل میڈیکل کمپلیکس نے اپنے ٹویٹر اکاؤنٹ کے ذریعے بتایا کہ اسپتال میں سانس کی تکلیف میں مبتلا ایک بچہ انتہائی تشویشناک حالت میں لایا گیا۔ بچے کو ابتدائی طبی امداد کی فراہمی اور طبی اور ریڈیولاجیکل معائنے کی ضرورت تھی۔
بچے کی جانچ کی گئی تو غذائی نالی میں چابی کی موجودگی کا انکشاف ہوگیا۔ فوری طور پر ضروری اقدامات کیے گئے۔ فالو اپ جاری رکھا گیا اور آخر کار بچے کے جسم سے چابی نکال لی گئی۔
بعملية منظار عاجلة ..
مجمع الملك فيصل الطبي بالطائف ينجح في انقاذ طفل من انسداد في المرئ نتيجة ابتلاعه لمفتاح ، pic.twitter.com/qFx4BJS9KA— صـحــة الـطــائـف (@taifhealth) March 12, 2023
طبی ٹیم نے بتایا کہ بچے کی فوری طور پر اینڈو اسکوپی کی گئی اور پھر غذائی نالی سے لوہے کی چابی نکال لی گئی۔
ٹیم کے مطابق بچے کی حالت اس قدر خراب تھی کہ وہ موت کے قریب پہنچ چکا تھا۔ میڈیکل ٹیم نرسنگ ٹیموں کے ساتھ چھوٹے لڑکے کا فالواپ علاج جاری رکھا ۔ طبی ذرائع نے تصدیق کی کہ بچے کی حالت اب بہتر ہے اور اسے اسپتال ڈسچارج کر دیا گیا ہے۔