تحریک انصاف پر پابندی لگانے کا فیصلہ قابل مذمت ہے، جماعت اسلامی

امیر جماعت اسلامی کراچی منعم ظفر نے کہا ہے کہ تحریک انصاف پر پابندی لگانے کا فیصلہ قابل مذمت ہے۔

ایکس پر جاری اپنے بیان میں انہوں نے کہا کہ حیرت ہے ماضی میں جو کام ڈکٹیٹر کرتے تھے وہ اب سیاسی جماعتیں باہمی مشاورت سے  کرنے جارہی ہیں۔

منعم ظفر نے کہا کہ جمہوریت میں ان پابندیوں کی کوئی اہمیت نہیں ہوتی،  اصل اہمیت عوام کی رائے کی ہے   پی ڈی ایم حکومت اس بات کو تسلیم کرے اور غیر جمہوری فیصلوں سے باز رہے۔

ان کا کہنا تھا کہ پاکستان کو اس وقت استحکام کی ضرورت ہے نہ کہ عدم استحکام کی۔

https://urdu.arynews.tv/federal-govt-decides-to-ban-pti/

حکومت نے پاکستان تحریک انصاف (پی ٹی آئی) پر پابندی لگانے کا فیصلہ کرلیا ، وفاقی وزیر اطلاعات عطا تارڑ نے کہا کہ تمام شواہدمدنظررکھ کروفاقی حکومت پی ٹی آئی پرکیس کرے گی