شاہین شاہ آفریدی نے انگلینڈ میں منعقدہ ‘دی ہنڈریڈ کرکٹ ٹورنامنٹ‘ کے میچ میں بلے بازوں کو خوفزدہ کردیا، فاسٹ بولر نے پہلی گیند پر وکٹ لینے کی روایت کو برقرار رکھا۔
شاہین آفریدی جوکہ دی ہنڈریڈ ایونٹ میں ولیش فائر کی نمائندگی کررہے ہیں انہوں نے آتے ہی حریف بلے باز کو پویلین کی راہ دکھائی۔
اوول انونسبلس کے جیسن روئے کو شاہین شاہ آفریدی نے پہلی گیند پر آؤٹ کیا۔ شاہین آفریدی نے آج 20 گیندوں پر 22 رنز دیے اور مجموعی طور پر دو کھلاڑیوں کو پویلین بھیجا۔
انہوں نے 20 گیندوں میں 12 ڈاٹ بالز کرائیں، دو چوکے، ایک چھکا کھایا جبکہ حارث رؤف نے 20 گیندوں پر بغیر کوئی وکٹ حاصل کیے،27 رنز دیے۔
واضح رہے کہ ویلش فائر نے پہلے کھیلتے ہوئے 6 وکٹوں پر 138 رنز بنائے تھے جبکہ جواب میں انونسبلس کی ٹیم بھی 7 وکٹوں پر 138 رنز بناسکی سکی تھی۔
ولیش فائر اور اوول انونسبلس کے درمیان کھیلے جانے والا میچ کسی نتیجے پر پہنچے بغیر ہی ختم ہوگیا۔