وزیراعظم عمران خان نے افغانستان سے متعلق صورتحال اور پاکستان کے مؤقف کو عالمی میڈیا میں اجاگر کرنے کا ٹاسک وزیراطلاعات فواد چوہدری کو سونپ دیا۔
تفصیلات کے مطابق وزیراعظم عمران خان کی زیرصدارت افغانستان سےمتعلق اجلاس ہوا جس میں افغانستان کی موجودہ صورتحال پر مشاورت کی گئی۔
افغانستان سےمتعلق وزیراعظم نےفوادچوہدری کوٹاسک سونپتے ہوئے ہدایت کی کہ افغانستان کے مسئلے پر پاکستان کےمؤقف کو اجاگر کیا جائے عالمی میڈیا پر بھی پاکستان کا بھرپور مؤقف آنا چاہیے۔
وزیراعظم نےاجلاس میں افغانستان سےمتعلق بیانیے پر وزرا کو آگاہ کیا۔ شرکاء کو افغانستان میں جاری غیرملکیوں کےانخلا، چمن اور طورخم بارڈرز کی صورتحال پر بریفنگ دی گئی۔
پی آئی اے کے آپریشنز اور پاکستانی سفارتخانےکی کارکردگی سے بھی آگاہ کیا گیا۔ اجلاس میں 4رکنی کمیٹی کے مسلسل اجلاس منعقدکر نے پر اتفاق رائے بھی ہوا۔