طالبان نے مخالفین کیلیے بھی حکومت کے دروازے کھول دیے۔ ترجمان افغان طالبان کا کہنا ہے کہ چاہتےہیں مخالفین بھی حکومت میں شامل ہوجائیں۔
برطانوی نشریاتی ادارےسے گفتگو کرتے ہوئے ترجمان طالبان سہیل شاہین نے کہا کہ کابل ایئرپورٹ کےاطراف چوکیاں قائم کردی ہیں ڈرہےداعش ارکان فراراورحملےکی کوشش نہ کریں داعش کابل ایئرپورٹ پر تخریب کاری کرسکتی ہے۔
سہیل شاہین نے کہا کہ داعش کےقیدی جیلوں سےنکل کرچھپ چکےہیں داعش کوافغان عوام کی حمایت حاصل نہیں، ممکن نہیں کہ اب داعش افغانستان میں زورپکڑے افغان سرزمین کسی ملک کیخلاف استعمال نہیں ہوگی۔
انہوں نے کہا کہ ہم ایک دن میں پنجشیرپرقبضہ کرسکتےہیں لیکن مسائل کاپرامن طریقےسےحل چاہتےہیں پنجشیرمیں بھی مسائل بات چیت سےحل کرناچاہتےہیں۔
ترجمان کا کہنا تھا کہ اب20سال پہلےوالی صورتحال نہیں چاہتےہیں مخالفین بھی حکومت میں شامل ہوجائیں طالبان کوافغان عوام کی حمایت حاصل ہےنیا آئین تشکیل دیاجائےگا افغانستان کا نیا دور صلح، مساوات اور تعمیرنو کا ہے۔
واضح رہے کہ طالبان نے مخالفین کے لیے عام معافی کا اعلان کرتے ہوئے کہا ہے کہ اشرف غنی سمیت، افغان فورسز کی اعلیٰ قیادت، وزراء کو وطن واپسی پر کچھ نہیں کہا جائے گا۔