ARYNews.tv | Urdu – Har Lamha Bakhabar

دورہ انگلینڈ پاکستانی بولرز کیلئے ڈراؤنا خواب بن گیا

Written by

ویب ڈیسک

in

دورہ انگلینڈ پاکستانی بولرز کیلئے ڈراؤنا خواب بن گیا، مانچسٹر میں بولنگ پھر فیل ہوگئی اور پاکستان کو اب سیریز بچانے کا چیلنج درپیش ہے۔

بولرز وکٹیں لینےمیں ناکام رہے، ٹیسٹ کےبعد ٹی ٹوئنٹی میں بھی بولرز فیل ہوگئے۔

دوسرے ٹی ٹوئنٹی میں اچھے ٹوٹل کے باوجود پاکستان میچ نہ بچا سکا اور بولرز کی غلطیوں کی وجہ سے انگلینڈ نے ریکارڈ فتح حاصل کر لی۔

مانچسٹر میں بولرز کی پٹائی پر ہیڈ کوچ مصباح نے سر پکڑ لیا۔ مصباح الحق دوسرے ٹی ٹوئنٹی کے دوران کافی ناراض اور پریشان نظر آئے۔ بولرز کی پٹائی پر مصباح ڈریسنگ روم میں سرکھجاتےرہے، کبھی گیلری میں کھڑے ہوکر فیلڈرزکو اشارے کرتے دیکھےگئے، کبھی بری بولنگ پر منہ چھپالیا۔

بولرز کی کمان سنبھالنے والے وقار یونس بھی بےچین نظرآئے۔دوسرےٹی ٹوئنٹی میں حکمت عملی پربھی سوالات اٹھ گئے، چھ بولرز آزمالیے مگر نتیجہ پھر بھی منفی نکلا، افتخارکو بھی گیند تھمادی لیکن تجربہ کار حفیظ اور شعیب کو موقع نہیں دیا گیا۔

بابر کپتانی میں نئےہیں لیکن مینجمنٹ تجربہ کارہے یہ سیریز بھی ہارگئے توپھربلی کا بکراکون بنےگا؟

واضح رہے کہ دورہ انگلینڈ میں ابھی تک پاکستان نے ایک بار بھی فتح کا مزح نہیں چکھا، قومی ٹیم 3 ٹیسٹ اور 2 ٹی ٹوئنٹی میں سے کوئی بھی میچ نہیں جیت پائی ہے۔

More posts