اسٹیبلشمنٹ سے کوئی بات نہیں ہو رہی، پرویز خٹک

پاکستان تحریک انصاف کے رہنما اور سابق وزیر اعلیٰ خیبر پختون خوا پرویز خٹک کا کہنا ہے کہ اسٹیبلشمنٹ سے کوئی بات نہیں ہو رہی، ہم سیاسی سوچ رکھتے ہیں۔

سپریم کورٹ کے ڈپٹی اسپیکر رولنگ کیس پر تبصرہ کرتے ہوئے پرویز خٹک نے کہا کہ مجھے نہیں پتا کیا ہونے جا رہا ہے، کسی سے بات چیت نہیں ہو رہی۔

انہوں نے کہا کہ ہمارا مطالبہ ہے کہ فوری الیکشن کرائیں، حالات بگڑ رہے ہیں عوام کا فیصلہ تسلیم کریں۔

اس سے قبل سپریم کورٹ کے باہر میڈیا سے گفتگو کرتے ہوئے رہنما پی ٹی آئی کا کہنا تھا کہ چوہدری پرویز الٰہی کو آج وزیر اعلیٰ پنجاب بنتا دیکھ رہا ہوں۔

دوسری جانب ڈپٹی اسپیکر پنجاب اسمبلی دوست مزاری کی رولنگ کے خلاف کیس کا فیصلہ محفوظ کرلیا گیا ہے۔

فیصلہ اب سے کچھ دیر سنایا جائے گا۔ چیف جسٹس عمر عطا بندیال کی سربراہی میں تین رکنی بینج کیس کی سماعت کر رہا ہے۔