ہر انسان کے سینے میں دھڑکتا دل زندگی کی علامت ہے لیکن دنیا میں ایک جیتا جاگتا نوجوان ایسا بھی ہے جس کے سینے میں دل نہیں۔
حیران ہوگئے نا! یہ منفرد نوجوان 39 سالہ عراقی شہری ربیع ہے جس کا سینہ 9 سال سے دل سے خالی ہے اور وہ اپنا دل اپنے پہلو میں لٹکے بیگ میں لے کر ساتھ چلتا ہے۔
ربیع اصلی دل کے بجائے مصنوعی دل پر اپنی زندگی گزار رہا ہے اور اپنی زندگی کی کہانی اس نے مقامی میڈیا کو سنائی ہے۔
عراقی میڈیا کے مطابق ربیع دل کا مریض ہونے کی وجہ سے گزشتہ 9 سال سے مصنوعی دل کے ساتھ زندگی گزار رہا ہے اور وہ اپنا دل اپنے پہلو میں لٹکے بیگ میں رکھ کر ساتھ چلتا ہے۔
نوجوان کا کہنا ہے کہ وہ نقلی دل کے ساتھ بھی معمول کی زندگی گزار رہا ہے اور کوئی خاص مشکل پیش نہیں آتی ہے۔
ربیع نے اپنے ساتھ پیش آنے والے لوگوں کے حیرت انگیز رویوں سے متعلق بتایا کہ جب میں بیگ میں مصنوعی دل رکھ کر باہر نکلتا ہوں تو لوگ حیرت سے دیکھتے ہیں اور بعض لوگ یہ سمجھتے ہیں کہ میں مصنوعی دل رکھتا ہوں تو اس کی وجہ سے مجھے غصہ نہیں آتا ہوگا نہ ہی غم اور خوشی کا احساس ہوتا ہوگا۔
نوجوان نے کہا عام لوگوں کی سوچ کے برعکس میرے ساتھ ایسا کچھ نہیں اور وہ عام انسان کی طرح زندگی گزار رہا ہوں اور میرے اندر وہ تمام جذبات موجود ہیں جو عام انسانوں کے ہوتے ہیں میں پیار بھی کرتا ہوں نفرت بھی اور غصے کا اظہار بھی کرتا ہوں۔