تین پاکستانی کرکٹرز نے بین الاقوامی اسٹیج پر اپنی صلاحیتوں کا لوہا منواتے ہوئے بگ بیش لیگ (BBL) کے 13ویں ایڈیشن کے لیے معاہدے حاصل کر لیے ہیں۔
حارث رؤف، جو اپنی تیز رفتاری کے لیے مشہور ہیں آئندہ سیزن کے لیے بی بی ایل ڈرافٹ میں منتخب ہونے کے بعد میلبورن سٹارز میں واپسی کرنے کے لیے تیار ہیں۔
میلبورن اسٹارز میں حارث رؤف کے ساتھ اسامہ میر بھی شامل ہوئے ہیں۔ انہوں نے لیگ اسپنر کے طور پر اپنا پہلا BBL کھیلنے کا موقع حاصل کیا ہے۔
اس سال وائٹلٹی بلاسٹ اور دی ہنڈریڈ جیسے ٹی 20 ٹورنامنٹس میں اسامہ کی شاندار کارکردگی نے انہیں میلبورن اسٹارز اسکواڈ میں جگہ فراہم کی ہے۔ ان کی اسپن باؤلنگ کی مہارت سے ٹیم کے باؤلنگ اٹیک میں گہرائی آئی ہے۔
پاکستان کے ابھرتے ہوئے اسٹار فاسٹ بولر زمان خان نے بھی بی بی ایل کا معاہدہ حاصل کر لیا ہے۔ انہیں سڈنی تھنڈر نے سائن کیا ہے۔