نئی دہلی : ٹوکیو اولمپکس میں ناقابل یقین کارکردگی دکھانے والی بھارتی وومن ہاکی ٹیم کی سیمی فائنل میں ہارنے کی وجوہات نے شائقین کو سوچنے پر مجبور کردیا۔
غیرملکی میڈیا کے مطابق بھارتی کھلاڑیوں کی جانب سے ٹوکیو اولمپکس میں بہترین کارکردگی کا مظاہرہ کیا گیا تو دوسری شکست نے وومن ہاکی ٹیم کی شکست نے شائقین کو افسردہ بھی کیا۔
بھارتی وومن ٹیم کی شکست کے بعد بھی سیمی فائنل تک رسائی اور بہترین کارکردگی نے شائقین کو دنگ کردیا، ٹیم کی شکست کے پیچھے عناصر نے مداحوں کو سوچنے پر مجبور کردیا۔
وومن ٹیم کی کھلاڑی وندنا کٹاریہ ہریدوار سے تعلق رکھتی ہیں، جن کے پر لوگوں نے حملہ کردیا، جب گھر پر حملہ ہوا وندنا برانز میں برطانیہ کے خلاف میچ کھیل رہی تھیں اور ایسے ذہنی دباؤ کے باوجود بھی انہوں نے برطانیہ کے خلاف ایک گول کیا۔
والد کی موت کا غم ساتھ لیے ٹیم کو اولمپکس میں جیت دلانے کےلیے وندنا ٹوکیو گئیں لیکن ارجنٹینا سے سیمی فائنل میں شکست کے بعد ان کے اہل خانہ کو ذات پات کی گالیاں دی گئیں اور سب سے زیادہ گول کرنے کے باجود ان کے گھر پر حملہ ہوگیا۔
اگر یوں کہا جائے کہ بھارتی وومن ہاکی ٹیم کی شکست نے ’بالی ووڈ فلم چک دے انڈیا‘ کی کہانی دہرا دی تو بے جا نہ ہوگا۔
ایشین گیمز ، ایشیا کپ اور جونیئر ورلڈ کپ میں میڈل جیتنے والی 29 سالہ وندنا کٹاریہ کے والد کی خواہش تھی کہ وہ اولمپک میں میڈل اپنے نام کریں اپنے والد کی خواہش پوری کرنے کی خاطر وہ اپنے والد کی آخری رسومات میں بھی شریک نہ ہوئیں۔
وندنا کٹاریہ کے والد کا 30 مئی کو انتقال ہوگیا تھا لیکن وہ ایک نیشنل کیمپ میں تھی اور والد خواب کو پورا کرنے کی خاطر وہ اپنے باپ کی موت میں نہ آئیں۔