چیئرمین پی ٹی آئی کو توشہ خانہ کیس میں فوری حکم امتناع نا مل سکا۔ اسلام آباد ہائیکورٹ نے توشہ خانہ سے متعلقہ تمام کیسز آئندہ ہفتے سماعت کیلئے مقرر کر دیے۔
تفصیلات کے مطابق عدالت نے حکم امتناع کی درخواست آئندہ ہفتے سماعت کے لیے مقرر کردی۔ اس حوالے سے چیف جسٹس عامر فاروق نے احکامات جاری کر دیے ہیں۔
عدالت نے آج سپریم کورٹ کے فیصلے کے بعد سماعت کی تھی اور خواجہ حارث کے دلائل سننے کے بعد فیصلہ محفوظ کرلیا تھا۔
اسلام آباد ہائیکورٹ نے جج ہمایوں دلاور کی فیس بک پوسٹیں ایف آئی اے کو تصدیق کیلئے بھیج دیں۔
عدالت نے ہدایت کی ہے کہ ایف آئی اے آئندہ سماعت سے پہلے فیس بک پوسٹوں سے متعلق رپورٹ جمع کرائے، ایف آئی اے فیس بک پوسٹوں کے جج سے متعلقہ ہونے نہ ہونے کا فرانزک کرے۔