اسلام آباد : بانی پی ٹی آئی اور بشریٰ بی بی کیخلاف توشہ خانہ ٹو ریفرنس میں گواہوں میں کون کون شامل ہیں؟ نام سامنے آگئے۔
تفصیلات کے مطابق بانی پی ٹی آئی اور اہلیہ بشریٰ بی بی کیخلاف توشہ خانہ ٹو ریفرنس میں گواہوں کے فہرست سامنے آگئی ، فہرست میں 22 گواہوں کے نام شامل کئے گئے ہیں۔
گواہان میں سیکشن آفیسرتوشہ خانہ کیبنٹ ڈویژن بن یامین کانام سرفہرست ہیں جبکہ طلعت محمود پروٹوکول آفیسر وزیر اعظم ہاؤس ، ایڈیشنل ڈائریکٹر نیب ہیڈ کوارٹر قیصر محمود کا نام گواہان میں شامل ہیں۔
اس کے علاوہ گواہوں میں اسسٹنٹ ڈائریکٹر موفا محمد فہیم ، وزیر اعظم کے سابق ملٹری سیکرٹری بریگیڈیئر محمد احمد کا نام شامل کیا گیا ہے۔
سابق وزیر اعظم کے پرسنل سیکریٹری انعام اللہ شاہ کا نام بھی توشہ خانہ ریفرنس 2 کے گواہوں میں شامل کئے گئے ہیں۔
فہرست میں ڈائریکٹر نیب شفقت محمود اور کیس کے تفتیشی افسر محمد محسن ہارون بھی گواہوں میں شامل ہیں۔
نیب کی جانب سے بانی پی ٹی آئی اوربشریٰ بی بی کیخلاف توشہ خانہ ٹوریفرنس احتساب عدالت میں دائر کیا گیا ہے۔