پشاور : تہکال کے علاقے میں نامعلوم حملہ آوروں نے خواجہ سرا کو سر میں گولی مار کر قتل کردیا۔
تفصیلات کے مطابق پشاور کے تہکال پلازہ کے کمرے سے خواجہ سرا کی لاش برآمد ہوئی، پولیس نے بتایا کہ خواجہ سرا اسد کو سر میں گولی مار کر قتل کیا گیا ۔
حکام کا کہنا تھا کہ نامعلوم قاتل واقعے کے بعد فرار ہوگئے تاہم مقتول خواجہ سرا کی لاش پوسٹ مارٹم کے لیے بھجوادی گئی۔
پولیس نے بتایا کہ اس کے جسم کے اوپری حصے اور کھوپڑی پر گولیوں کے متعدد زخم آئے تھے جو جان لیوا ثابت ہوئے۔
جائےوقوع سے شواہد اکٹھے کر کے تحقیقات شروع کر دی ہے اور مختلف زاویوں سے محرکات کا پتہ لگانے اور ذمہ داروں کی شناخت کی جا رہی ہے۔
خیال رہے یہ واقعہ پشاور کے علاقے گلبہار میں تتلی کے نام سے مشہور ایک اور خواجہ سرا کے قتل کے ایک ہفتے بعد پیش آیا ہے۔ پولیس کا کہنا ہے کہ اب معاملہ حل ہو گیا ہے۔