افغانستان کے خلاف میچ کے لیے پاکستان کی ممکنہ پلیئنگ الیون

سہ فریقی سیریز میں پاکستان سے افتتاحی میچ کے لیے پاکستان کی ممکنہ پلیئنگ الیون سامنے آگئی۔

شارجہ میں ٹرائی سیریز کا افتتاحی میچ آج پاکستان اور افغانستان کے مابین کھیلا جائے گا، میچ پاکستانی وقت کے مطابق شام 8 بجے شروع ہوگا۔

کپتان سلمان علی آغا نے افغانستان کے خلاف افتتاحی میچ سے قبل ٹیم کی پیشرفت پر اطمینان کا اظہار کیا۔

سلمان علی آغا نے کہا کہ ہماری ٹیم نے آخری دو سیریز میں اچھی کارکردگی کا مظاہرہ کیا ہے، جب ہم کھیلنے کے لیے باہر جاتے ہیں تو ہم میچ جیتنے کے بارے میں سوچتے ہیں۔

پاکستان کو بنگلادیش میں ٹی 20 سیریز کے لیے شکست کا سامنا کرنا پڑا جبکہ ویسٹ انڈیز کے خلاف سیریز میں 2-1 سے کامیابی حاصل کی۔

پاکستان کے اوپنرز میں صاحبزادہ فرحان، فخر زمان اور صائم ایوب شامل ہیں، فخر کی واپسی کے بعد امکان ہے کہ وہ صائم کے ساتھ اننگز کا آغاز کریں گے۔

یہ پڑھیں: افغانستان ایشیا کی دوسری بہترین ٹیم، سلمان آغا کی مسکرانے کی ویڈیو وائرل

وکٹ کیپر بیٹر محمد حارث تیسرے نمبر پر بیٹنگ کریں گے، ان کے بعد حسن نواز اور سلمان علی آغا بیٹنگ کے لیے آئیں گے۔

آل راؤنڈر میں محمد نواز، فہیم اشرف شامل ہیں جبکہ ٹیم مینجمنٹ آج کے میچ میں حسین طلعت یا خوشدل شاہ کے ساتھ جائے گی۔

بولرز میں شاہین شاہ آفریدی، حارث رؤف اور اسپنرز میں ابرار احإد یا سفیان مقیم میں سے ایک کھلاڑی شامل ہوگا۔

پاکستان کی ممکنہ الیون: فخر زمان، صائم ایوب، محمد حارث، حسن نواز، سلمان علی آغا، حسین طلعت یا خوشدل شاہ، محمد نواز، فہیم اشرف، شاہین آفریدی، حارث رؤف اور ابرار احمد شامل ہیں۔