امریکا کے صدر ڈونلڈ ٹرمپ نے بھارت پر مزید 25 فیصد ٹیرف عائد کردیا۔
امریکی صدر ٹرمپ کی جانب سے بھارت پر مزید 25 فیصد ٹیرف عائد کیا جس کے بعد مجموعی ٹیرف 50 فیصد ہوگیا ہے۔
ٹرمپ نے بھارت پر روسی تیل خریدنے پر مزید 25 فیصد ٹیرف عائد کیا ہے، ٹرمپ کے ایگزیکٹو آرڈر کے بعد بھارت پر معاشی دباؤ بڑھ گیا ہے۔
انہوں نے کہا کہ بھارت کو روسی تیل خریدنے کی قیمت چکانا ہوگی، روس سے قربت پر بھارت کو سزا دی جائے گی۔
علاوہ ازیں امریکا نے بھارت پر اضافی تجارتی پابندیاں بھی لگادیں۔
یہ پڑھیں: امریکی صدر ٹرمپ کا بھارت پر مزید ٹیرف عائد کرنے کا اعلان
امریکا کی جانب سے روسی خام تیل اور پیٹرولیم مصنوعات کی درآمد پر پابندی برقرار ہے، امریکا نے روس سے تیل کی درآمد پرمکمل پابندی عائد کردی۔
امریکی صدر نے روسی فیڈریشن کی پالیسیوں کو امریکا کے لیے خطرہ قرار دیا ہے۔
خیال رہےکہ گزشتہ روز امریکی صدر ڈونلڈ ٹرمپ نے بھارت پر آئندہ 24 گھنٹوں میں مزید ٹیرف لگانے کا اعلان کیا تھا، امریکی صدر نے اپنے پیغام میں کہا تھا کہ بھارت کے موجودہ 25 فیصد ٹیرف میں اضافہ کیا جائے گا۔
صدر ٹرمپ نے کہا تھا کہ بھارت اچھا تجارتی پارٹنر نہیں، بھارت روس سے تیل کی خریداری جاری رکھے ہوئے ہیں اور اس طرح وہ یوکرین میں جنگی مشین کو ایندھن فراہم کررہا ہے۔
یاد رہےکہ اس سے قبل بھی صدر ٹرمپ نے روس سے تیل خریدنے پر بھارت پر عائد ٹیرف مزید بڑھانے کا اعلان کیا تھا۔
سوشل میڈیا پر جاری بیان میں ڈونلڈ ٹرمپ کاکہنا تھا کہ بھارت نہ صرف بڑی مقدار میں روسی تیل خرید رہا ہے بلکہ اسے فروخت کرکے منافع بھی کما رہا ہے۔