ARYNews.tv | Urdu – Har Lamha Bakhabar

سعودی عرب کی کرپشن کیخلاف کارروائی اچھا اقدام ہے،ڈونلڈٹرمپ

Written by

ویب ڈیسک

in

ٹوکیو : امریکی صدر ڈونلڈ ٹرمپ نے سعودی عرب میں کرپشن کیخلاف کاروائیوں کی حمایت کردی اور کہا کہ سعودی عرب کی کرپشن کیخلاف کارروائی اچھااقدام ہے۔

تفصیلات کے مطابق امریکی صدر ڈونلڈ ٹرمپ سماجی رابطے کی ویب سائٹ ٹوئٹر پر اپنے پیغام میں سعودی عرب میں کرپشن کیخلاف کاروائیوں کی حمایت کردی اور شاہ سلمان اور ولہی عہد محمد بن سلمان پر اعتماد کا اظہار کیا۔

ڈونلڈ ٹرمپ کا کہنا تھا کہ سعودی قیادت پر اعتماد ہے وہ لوگ جانتے ہیں کہ کیا کررہےہیں، ان میں سے کچھ لوگ ایسے ہیں جو برسوں سے اپنے ملک کا استحصال کر رہے تھے۔

یاد رہے کہ ہفتے کے روز شاہ سلمان کے حکم پرانسداد بدعنوانی کمیٹی نے گیارہ شہزادوں، چار وزرا اور کئی سابق وزرا کو حراست میں لے لیا تھا، ان افراد پر کرپشن کا الزام ہے۔

سعودی عرب میں بڑے پیمانے پر گرفتاریاں ولی عہد محمد بن سلمان کی زیر صدارت سعودی عرب کی اینٹی کرپشن کمیٹی کے فیصلے کے بعد کی گئیں۔

اینٹی کرپشن کمیٹی نے یہ بھی اعلان کیا ہے کہ وہ 2009 میں جدہ میں آنے والے سیلاب کی فائل بھی دوبارہ کھول رہی ہے جبکہ کورونا وائرس کی بھی تحقیقات کی جائیں گی۔

سعودی گزٹ کے مطابق اس نئی کمیٹی کے پاس کرپشن کرنے والے افراد کے خلاف تحقیقات، گرفتار کرنے اور سفری پابندیاں لگانے کے ساتھ ساتھ اثاثے منجمد کرنے کا اختیار بھی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

More posts