واشنگٹن (8 اگست 2025): امریکی صدر ڈونلڈ ٹرمپ نے ٹیرف عائد کرنے کے بعد بھارت سے اس معاملے پر مذاکرات سے صاف انکار کر دیا۔
انڈین میڈیا کے مطابق اوول آفس میں صحافی نے سوال کیا کہ کیا آپ بھارت پر 50 فیصد ٹیرف عائد کرنے کے بعد اس سے مذاکرات کی توقع رکھتے ہیں؟
اس پر ڈونلڈ ٹرمپ نے کہا کہ جب تک ٹیرف کا تنازع حل نہیں ہو جاتا بھارت کے ساتھ کسی قسم کے تجارتی مذاکرات نہیں ہوں گے۔
#WATCH | Responding to ANI’s question, ‘Just to follow up India’s tariff, do you expect increased trade negotiations since you have announced the 50% tariffs?’, US President Donald Trump says, "No, not until we get it resolved.”
(Source: US Network Pool via Reuters) pic.twitter.com/exAQCiKSJd
— ANI (@ANI) August 7, 2025
واضح رہے کہ بدھ کے روز امریکی صدر کی جانب سے ایک ایگزیکٹو آرڈر جاری کیا گیا تھا جس میں بھارتی درآمدی اشیاء پر اضافی 25 فیصد ٹیرف عائد کیا گیا جو مجموعی طور پر 50 فیصد ہے۔
یہ بھی پڑھیں: ٹرمپ کے 50 فیصد ٹیرف لگانے پر مودی نے خاموشی توڑ دی
ٹرمپ انتظامیہ نے منہ کرنے کے باوجود روسی تیل خریدنے اور اس سے بھاری منافع کمانے کے سبب بھارت پر ٹیرف عائد کرنے کا اعلان کیا۔
ایگزیکٹو آرڈر میں کہا گیا کہ یہ درآمدات، چاہے براہ راست ہوں یا کسی اور کے ذریعے امریکا کیلیے ایک غیر معمولی خطرہ پیش کرتی ہیں۔
امریکی حکام کے مطابق ابتدائی 25 فیصد ٹیرف 7 اگست سے نافذ العمل ہوا جبکہ اضافی محصول 21 دنوں میں لاگو ہوگا اور امریکی بندرگاہوں میں داخل ہونے والے تمام بھارتی سامان پر لاگو ہوگا۔