سوشل میڈیا پلیٹ فارم ‘ایکس’ پر امریکی صدر ڈونلڈ ٹرمپ کی مرنے کی خبروں کے بعد مختلف میڈیا پلیٹ فارم پر ہنگامہ مچ گیا ہے۔
امریکی صدر ڈونلڈ ٹرمپ کے حوالے سے 30 اگست 2025 کو ہیش ٹیگ #TrumpIsDead نے سوشل میڈیا پلیٹ فارمز پر ایک وبال مچا دیا ہے، خاص طور پر ایکس پر ٹرمپ کی مرنے کی خبر نے بہت تیزی سے ٹرینڈ کرنا شروع کر دیا ہے۔
اس خبر کے سامنے آمنے کے بعد امریکی صدر ڈونلڈ ٹرمپ کی صحت کے بارے میں بڑے پیمانے پر قیاس آرائیاں شروع ہو گئیں اور ان کے چاہنے والے تشویش میں مبتلا ہوگئے ہیں۔
یہ ٹرینڈ وائٹ ہاؤس کے آفیشل لائیو اسٹریم کی ایک غیرمتوقع بندش کے ساتھ شروع ہوا، جس میں ایک پیغام دکھایا گیا تھا جس میں بتایا گیا تھا کہ "ساتھ رہیں، ہم جلد ہی دوبارہ لائیو ہوں گے۔”
سوشل میڈیا صارفین نے اس کا کچھ اور ہی مطلب نکالا، کوئی لوگوں کو لگا کہ امریکی صدر کی طبعیت ٹھیک نہیں ہے جس کے بعد ان کے مرنے کی خبروں نے ٹرینڈ کی صورت اختیار کی۔
تاہم یہ ساری خبریں محض افواہیں تھیں کیوں کہ وائٹ ہاؤس کی جانب سے ٹرمپ کی صحت سے متعلق کوئی تشویشناک خبرسامنے نہیں آئی بلکہ ٹرم کو گالف کھیلتے دیکھا گیا جس کے بعد افواہیں دم توڑ گئیں۔
https://urdu.arynews.tv/trump-cancels-india-visit/