ترک صدر اردوان اور ایرانی وزیرخارجہ عباس عراقچی میں اہم ملاقات

ترک صدر رجب طیب اردوان اور ایرانی وزیرخارجہ عباس عراقچی کی استنبول میں ملاقات ہوئی، ملاقات میں ایران اسرائیل جنگ پر بات چیت ہوئی۔

تفصیلات کے مطابق او آئی سی اجلاس کی سائیڈ لائن پر ترک صدر اور ایرانی وزیرخاجہ کے درمیان ملاقات ہوئی جس میں اسرائیلی جارحیت، سفارتی کوششوں پر تبادلہ خیال کیا گیا، صدر اردوان نے ترکیہ کی سفارتی کوششوں سے ایرانی وزیرخارجہ کو آگاہ کیا۔

ترک صدر رجب طیب اردوان نے ایرانی وزیرخارجہ عباس عراقچی کو ایران اسرائیل کی جنگ میں انھیں اپنی بھرپورحمایت کا یقین دلایا۔

ملاقات میں اردوان نے ایران پر اسرائیلی حملوں کی مذمت کی، اس موقع پر ترک وزرائےدفاع اور خارجہ سمیت انٹیلی جنس چیف بھی موجود تھے۔

https://urdu.arynews.tv/israel-is-dragging-region-into-disaster-turkey-fm/