گوہاٹی: بھارتی شہر گوہاٹی کے اسٹیڈیم میں پچ سکھانے کے لیے ہیر ڈرائیر کا استعمال کیا گیا جس کی تصاویر سوشل میڈیا پر وائرل ہوگئیں۔
تفصیلات کے مطابق بھارت اور سری لنکا کا پہلا ٹی 20 میچ بارش کی نذر ہوگیا، گوہاٹی میں دن بھر کی بارش رات گئے تک جاری رہی، گراؤنڈ انتظامیہ کی جانب سے پچ سکھانے کے لیے ہیر ڈرائیر اور استری کا استعمال کیا گیا۔
ہیر ڈرائیر استعمال کرنے کی تصاویر سوشل میڈیا پر وائرل ہونے کے بعد شائقین کرکٹ کی جانب سے بھارتی کرکٹ بورڈ کو شدید تنقید کا نشانہ بنایا گیا۔
سماجی رابطے کی ویب سائٹ ٹویٹر پر آکاش نامی صارف نے لکھا کہ گوہاٹی کے اسٹیڈیم میں ویکیوم کلینر، ہئر ڈرائیر، آئرن، عام آدمی کے گھر سے آنے والی ہر چیر پچ کو خشک کرنے کے کے لیے استعمال کی جا رہی ہے۔
Vacuum cleaner, hairdryer, iron… every single thing from a common man’s home is currently being used to dry the dampened pitch at Barsapara Stadium, Guwahati.#AssamCricketAssociation Hats off to the hard work #INDvSL #INDvsSL pic.twitter.com/PPRqTH8nzp
— Aakash Biswas (@aami_aakash) January 5, 2020
انشو دیپک نامی صارف نے ٹویٹر پر بھارتی کپتان ویرات کوہلی کی تصویر شیئر کی اور اپنے پیغام میں کہا کہ انوشکا بھابھی والا ہیر ڈائیر لے کر سکھاؤ پچ کو۔
Anushka Bhabhi wala Hair dryer lakar sukhwao isko.. 😜😜 #INDvSL pic.twitter.com/ZMUBiw1naM
— Anshu K Deipak (@AKDeipak) January 5, 2020
بھارت اور سری لنکا کے درمیان تین میچوں کی سیریز کا پہلا میچ رد ہونے کے بعد اب دونوں ٹیمیں اندور روانہ ہوں گی جہاں دوسرا میچ 7 جنوری کو کھیلا جائے گا۔