پٹنہ : بھارت میں ایک شخص کو اس کی دو بیویوں نے چھریوں کے وار سے قتل کردیا، مقتول پہلی بیوی کو طلاق دے چکا تھا۔
میڈیا سے ملنے والی اطلاعات کے مطابق بھارتی ریاست بہار میں ایک شخص عالمگیر انصاری کی سابقہ بیوی سلمیٰ اور موجودہ بیوی آمنہ نے مل کر اپنے شوہر کو چاقو کے وار کرکے قتل کردیا۔
بہار کے رہائشی 45 سالہ عالمگیر انصاری دہلی میں روزگار کی غرض سے مقیم تھا اور اس نے دو شادیاں کی ہوئی تھیں۔ پہلی بیوی کو طلاق دیدی تھی۔ وہ دہلی سے عید الاضحیٰ کی چھٹیوں پر بہار اپنے آبائی گھر آیا تھا۔
عالمگیر انصاری کی دونوں بیویاں بھی دہلی میں ہی ٹھہری تھیں لیکن عالمگیر کے بہار جانے پر وہ بھی اس کے پیچھے پیچھے چلی آئیں، آبائی گھر میں کسی بات پر تینوں کے درمیان تلخ کلامی ہوئی جس کے دوران بیویوں نے مل کر شوہر کو چاقو کے وار کرکے قتل کردیا۔
پولیس نے دونوں خواتین کو حراست میں لے کر آلۂ قتل بھی برآمد کرلیا، قتل کے گیگر محرکات کا تعین نہیں ہوسکا تاہم مزید تفتیش جاری ہے۔