برطانیہ کا فلسطینیوں کیلیے انسانی ہمدردی پر مزید امداد کا اعلان

لندن (31 اگست 2025): برطانیہ نے فلسطینیوں بلخصوص خواتین اور بچیوں کیلیے انسانی ہمدردی پر مزید امداد کا اعلان کر دیا۔

برطانیہ کی سرکاری ویب سائٹ پر شائع رپورٹ کے مطابق وزیر خارجہ ڈیوڈ لیمی نے اپنے بیان میں کہا کہ غزہ میں صورتحال تباہ کن ہے جہاں خواتین اور بچیاں سب سے زیادہ متاثر ہیں۔

ڈیوڈ لیمی نے کہا کہ برطانیہ زچگی کے نظام کی بہتری کیلیے 3 ملین پاؤنڈ کی امداد فراہم کرے گا، یہ فنڈنگ تب ہی مؤثر ہوگی اگر اسرائیل امداد کی فراہمی کو یقینی بنائے۔

یہ بھی پڑھیں: ’اسرائیل غزہ پر قبضے کے منصوبے کی قیمت ادا کرے گا‘

رپورٹ میں کہا گیا کہ غزہ میں روز تقریباً 130 خواتین بچوں کو جنم دے رہی ہیں۔ برطانوی دفتر خارجہ نے بتایا کہ خواتین کیلیے حفظان صحت کے سامان کی فراہمی بھی کی جائے گی، اسرائیل شہریوں، طبی عملے اور اسپتالوں کے تحفظ کو یقینی بنائے۔

دوسری جانب اقوام متحدہ کا کہنا ہے کہ غزہ کیلیے روزانہ کم از کم 600 امدادی ٹرک درکار ہیں۔