سابق کرکٹر شعیب ملک اور اداکارہ ثنا جاوید کی شادی کے بعد گلوکار عمیر جسوال کی مبہم پوسٹ سوشل میڈیا پر وائرل ہوگئی۔
فوٹو اینڈ ویڈیو شیئرنگ پلیٹ فارم انسٹاگرام پر گلوکار عمیر جیسوال کی پوسٹ کو صارفین کی جانب سے شعیب اور ثنا کی شادی پر خاموش ردعمل سمجھا جا رہا ہے۔
گلوکار نے گزشتہ رات گئے اپنے جمنگ سیشن کے دوران ریکارڈ کی گئی ویڈیو شیئر کی جس کے پس منظر میں امریکی ریپر کینڈرک لامر کا گانا ’یونائٹڈ ان گریو‘ یعنی ’غم میں متحد‘ لگا ہوا ہے جبکہ کیپشن میں 3:15 کا وقت درج ہے۔
View this post on Instagram
انہوں نے مذکورہ گانے کے چند معنی خیز بول شیئر کئے ہیں جس کے معنی کچھ یوں ہیں کہ ’امید ہے کہ اس زندگی میں تم کچھ ذہنی سکون پالو، انہیں بتا دو، بتا دو سچ بتا دو، امید کرتا ہوں تم کچھ جنت پالو، انہیں سچ بتا دو، میں کس مرحلے سے گزر رہا ہوں، 1 ہزار 8 سو 55 دنوں سے، میں گزر رہا ہوں کسی چیز سے‘۔
گلوکار عمیر جیسوال کی جانب سے شیئر کئے گئے اس گانے کے مذکورہ بول سے اندازہ ہوتا ہے کہ وہ اداکارہ ثناء جاوید کی جدائی سے دلبرداشتہ ضرور ہیں لیکن ان کے لیے نیک خواہشات بھی رکھتے ہیں اور اس مشکل وقت سے نمٹنے کے لیے ہمت جمع کر رہے ہیں۔
View this post on Instagram
واضح رہے کہ گزشتہ ہفتے کو شعیب ملک کی جانب سے اداکارہ ثنا جاوید سے شادی کے اعلان کے بعد گلوکار عمیر جیسوال کی یہ باضابطہ پہلی پوسٹ ہے۔ اس سے قبل انہوں نے مختلف انسٹا اسٹوریز شیئر کرکے اپنی کیفیت کا اظہار کیا تھا۔