انڈر 19 ورلڈ کپ میں پاکستان نے مسلسل دوسری کامیابی حاصل کرتے ہوئے نیپال کو 5 وکٹوں سے شکست دے دی۔
ایسٹ لندن میں کھیلے گئے میچ میں پاکستان نے نیپال کی جانب سے دیا گیا 198 رنز کا ہدف باآسانی 48ویں اوور میں حاصل کرلیا، اذان اویس نے میچ وننگ نصف سنچری اسکور کرتے ہوئے 63 رنز بنائے۔
شامل حسین اور شاہ زیب نے 37، 37 رنز اسکور کیے، احمد حسن 29 اور ہارون ارشد 15 رنز بنا کر کامیاب رہے۔
Azan Awais is the player of the match for his calm and composed 6️⃣3️⃣* to steer Pakistan U19 to victory #PakistanFutureStars | #U19WorldCup | #PAKvNEP pic.twitter.com/IepoiWgH8f
— Pakistan Cricket (@TheRealPCB) January 24, 2024
نیپال کی جانب سے آکاش نے تین وکٹیں حاصل کیں اور دپیش اور ترپاٹھی ایک، ایک وکٹ حاصل کرسکے۔
اس سے قبل نیپال کی ٹیم پہلے بیٹنگ کرتے ہوئے آخری گیند پر 197 رنز بنا کر آؤٹ ہوگئی تھی، بپن روال 39 اور دیپک ڈمرے 26 رنز بناسکے تھے۔
پاکستان کی جانب سے عرفات منہاس نے تین اور احمد حسن، عبید شاہ نے دو، دو وکٹیں حاصل کیں۔