ممبئی: بالی وڈ کی معروف اداکارہ اروشی روٹیلا کے ساتھ فلم ’این بی کے 109‘ کی شوٹنگ کے دوران افسوسناک حادثہ پیش آگیا۔
میڈیا رپورٹس کے مطابق اروشی روٹیلا اس وقت حیدر آباد میں موجود ہیں جہاں وہ آج ’این بی کے 109‘ کی شوٹنگ میں مصروف تھیں۔
بالی وڈ اداکارہ کی ٹیم نے ایک پریس ریلیز کے ذریعے میڈیا کو بتایا کہ شوٹنگ کے دوران وہ گر کر زخمی ہوگئیں اور انہیں فیکچر ہوا ہے۔
ٹیم نے بتایا کہ اداکارہ کو فوری طور پر حیدر آباد کے اسپتال منتقل کیا گیا جہاں ان کا علاج جاری ہے۔
اروشی روٹیلا ڈائریکٹر کے ایس رویندر کی فلم کا حصہ ہیں جس میں وہ بالی وڈ اسٹار بوبی دیول، ترشا کرشنن اور پرکاش راج کے ساتھ اداکاری کے جوہر دکھائیں گی۔
فلم کی ریلیز ڈیٹ اب تک سامنے نہیں آئی اور یہ بھی معلوم نہیں ہو سکا کہ اداکارہ کے زخمی ہونے کے بعد شوٹنگ کے شیڈول میں کیا تبدیلی کی جائے گی۔
سوشل میڈیا پر جب اروشی روٹیلا کے مداحوں نے ان کے زخمی ہونے کی خبر سنی تو وہ کافی افسردہ ہوئے اور اپنی پسندیدہ اداکارہ کی جلد صحت یابی دعائیں کیں اور نیک تمناؤں کا اظہار کیا۔