امریکا کی یونائیٹڈ اسٹیٹس ایئرفورس اکیڈمی (یو ایس اے ایف اے) کی 19 سالہ کیڈٹ اپنے ڈورم روم میں پراسرار طور پر مردہ حالت میں پائی گئی۔
بین الاقوامی خبر رساں ادارے کی رپورٹ کے مطابق کیڈٹ ایوری کونسی یونائیٹڈ اسٹیٹس ایئرفورس اکیڈمی میں فرسٹ ایئر کی طالبہ اور زیر تربیت کیڈٹ تھیں، جن کا تعلق ٹیکساس سے بتایا جارہا ہے۔
یونائیٹڈ اسٹیٹس ایئرفورس اکیڈمی کے مطابق ایوری کونسی اپنے کمرے میں بے ہوش پائی گئیں، جسے بچانے کے لئے ہر ممکن کوشش کی گئی مگر وہ زندہ نہیں بچ سکیں، ان کی موت کے حوالے سے تحقیقات کا آغاز کردیا گیا ہے۔ اکیڈمی انتظامیہ کی جانب سے انکوائری کمیٹی تشکیل دیدی گئی ہے۔
19 سالہ کیڈٹ نے 100 میٹر ریس 12.12 سیکنڈ میں مکمل کرکے ریکارڈ بھی قائم کیا تھا، وہ ایک ذہین طالبہ اور شاندار کھلاڑی تھیں۔
انہوں نے حال ہی میں گریجویٹ مکمل کرنے کے بعد امریکی فضائیہ کی اکیڈمی میں شمولیت اختیار کی تھی، خواتین کی ٹریک اور فیلڈ ٹیم کا حصہ بھی رہیں۔
اُن کی ہمیشہ سے یہی خواہش رہی کہ وہ پائلٹ فزیکل تھراپسٹ بن کر ایئرفورس میں امور انجام دے سکیں۔
لبنان پر اسرائیلی حملے کے جواب میں حزب اللہ کا جوابی وار
امریکی فضائیہ کے جاری کردہ بیان میں کہا گیا ہے کہ ایک ذہین اور روشن مستقبل رکھنے والی کیڈٹ کی المناک موت پر بہت دکھی ہیں۔