واشنگٹن: امریکی محکمہ خارجہ کا کہنا ہے کہ چیئرمین پی ٹی آئی کے حوالے سے آج بھی بیان مختلف نہیں ہوگا، ان کی گرفتاری پاکستان کا اندرونی معاملہ ہے۔
تفصیلات کے مطابق امریکی محکمہ خارجہ کے ترجمان میتھیو ملر نے پریس کانفرنس کرتے ہوئے کہا کہ چیئرمین تحریک انصاف کے حوالے سے آج بھی بیان مختلف نہیں ہوگا۔
میتھیو ملر کا کہنا تھا کہ چیئرمین تحریک انصاف کی گرفتاری کامعاملہ پاکستان کااندرونی معاملہ ہے، پاکستان میں جمہوری اصول، انسانی حقوق اور قانون کی حکمرانی و احترام کا مطالبہ کرتے ہیں۔
گذشتہ روز ترجمان امریکی محکمہ خارجہ نے بیان میں کہا تھا کہ ابھی یہ طےنہیں ہوا کہ چیئرمین پی ٹی آئی کیخلاف بے بنیاد الزامات پر کارروائی ہورہی ہے تاہم حکومت پاکستان سےانسانی حقوق اورلااینڈآرڈرکےحوالےسےرابطےمیں ہیں۔
یاد رہے کہ اسلام آباد کی سیشن عدالت نے توشہ خانہ کیس میں چیئرمین پی ٹی آئی کو 3 سال قید، ایک لاکھ جرمانے کی سزا سنا کر اور پانچ سال کے لیے نااہل قرار دے کر گرفتاری کے وارنٹ جاری کر دیے تھے۔
عدالت کی جانب سے سزا کے بعد چیئرمین پی ٹی آئی کو گرفتار کرکے اٹک جیل منتقل کردیا گیا تھا۔