ARYNews.tv | Urdu – Har Lamha Bakhabar

نیتن یاہو تمھاری موت بھی بدتر اور دردناک ہوگی: عثمان خالد بٹ

Written by

ویب ڈیسک

in

اسرائیل کی جانب سے غزہ پر بے دریغ بمباری کا سلسلہ جاری ہے، جس کے باعث بچوں اور خواتین سمیت ہزاروں کی تعداد میں فلسطینی جام شہادت نوش کرچکے ہیں، جبکہ ہزاروں افراد بے گھر ہوچکے ہیں۔

ایسے وقت میں دنیا بھر کے نامور  اداکار و اداکارہ اور کے کئی ممالک کے سربرام کی جانب سے فلسطین کے حق میں آواز اٹھانے کا سلسلہ جاری ہے، تاہم پاکستانی اداکار عثمان خالد بٹ نے آواز بلند کی ہے۔

سماجی رابطے کی ویب سائٹ ایکس پر پاکستانی اداکار عثمان خالد بٹ نے کہا کہ مجھے امید ہے کہ میں وہ دن دیکھوں گا جب اس جنگی مجرم (نیتن یاہو) کو انصاف کے کٹہرے میں لایا جائے گا۔

اداکار کا کہنا تھا کہ اسرائیل کا مقصد حماس کو ختم کرنا نہیں بکلہ وہ ہمیشہ سے فلسطین کو تباہ و برباد کرنا چاہتا تھا اور آج وہی ہورہا ہے۔

عثمان خالد بٹ نے اسرائیلی وزیراعظم بنیامین نیتن یاہو سے مخاطب ہوتے ہوئے کہا کہ یہ جنگ صرف غزہ پر ختم نہیں ہوگی بلکہ آپ کی موت بھی بدتر، طویل اور دردناک ہوگی۔

واضح رہے کہ قابض اسرائیلی فوج نے ایک بار پھر غزہ پر زمینی اور فضائی حملے شروع کردیئے ہیں، جس کے باعث بڑے پیمانے پر شہادتوں اور تباہی کا خدشہ ظاہر کیا جارہا ہے، شدید بمباری کے باعث مواصلاتی نظام تباہ ہوچکا ہے، جس کے باعث غزہ کا دنیا بھر سے رابطہ مکمل طور پر منقطع ہوچکا ہے۔

عرب میڈیا کا اس حوالے سے کہنا ہے کہ غزہ میں 100 سے زائد فضائی طیاروں کی جانب سے بمباری کی جارہی ہے، جبکہ ٹینکس اور توپوں کے ذریعے بھی بمباری کا سلسلہ جاری ہے۔

More posts