حکومت نے بجٹ سے قبل ہی عوام پر مہنگائی کا بم گرادیا

اسلام آباد : یوٹیلیٹی اسٹورز پر مختلف اشیاء مہنگی کردی گئیں ، جیمز ، شہد ، کیچپ ، ساسز ، اچار سمیت دیگر کی قیمتوں میں اضافہ کیا گیا۔

تفصیلات کے مطابق بجٹ سے قبل یوٹیلیٹی اسٹورز پر مختلف اشیاء مہنگی کردی گئی، ذرائع نے بتایا کہ جیمز کی450 گرام قیمت میں 74 روپے تک اضافہ کردیا گیا ہے۔

ذرائع کا کہنا ہے کہ یوٹیلیٹی اسٹورز پر شہد کی 500 گرام قیمت میں 101روپے تک اور ایک کلو چکن سپریڈ کی قیمت میں190روپے تک اضافہ کیا گیا۔

یوٹیلیٹی اسٹورز پر کیچپ کی 800 گرام قیمت 79 روپے تک بڑھادی گئی جبکہ ساسز کی800 گرام قیمت میں 79روپے تک اضافہ کردیا ہے۔

یوٹیلیٹی اسٹورز پر ایک کلو اچار80 روپے تک مہنگا کردیا گیا جبکہ جوشاندہ 3روپے اور اسپغول کی قیمت میں30 روپے تک اضافہ کیا۔

اس کے علاوہ عرق اور سیرپ 20 سے 40 روپے تک مہنگی کردی گئیں، یوٹیلیٹی اسٹورز پر قیمتوں میں اضافے کا اطلاق فوری طور پر کردیا گیا ہے۔